Myanmar Bank Pawl An Him

11025712_1152927308056958_8380200746067227109_n

Zuk: ramsung bank pakhat sung ah bank service tuah lai

Ta Hniang

Bank thenkhat a him lo tin phuahcawp thu a leng nan ramsung bank dinhmun a kel a awh ih a him thu ramsung ih bank lam ih mithiam hleice pawl le rinsanmi bank pawl in an phuang a si.

August ni 17 ni ih thuphan thu an theh darh ruangah ramsung bank sungah mi tampi in an sumpai khawlmi an suah ciamco. Thlahrek laklawh si hmanseh hivek thusia a len ruangah an peisa an suah hai an si. Hi thu ruangah bank dangdang Kalay, Kanbawza Bank tel in peisa khawltu mithen an peisa suah dingin a tlar in an tlar aw hai ti thu khal theih a si.

Hi thu thawn pehpar in KBZ Bank ih sinior thurawn petu U Than Lwin cun hitin a sim. ” Hi thuphan thu (ေကာလာဟာလ) cu va zum hlah uh. Hi thu hi politic lam thawi hnamhnoih buai deuh vekih rel a si. Hmanseh bank sungah ziang thubuai hman a um lo. Central Bank thawi pehtleihnak khalah ziang thubuai um lo in a feh dan kel in a feh hrih a si. Facebook ih phuahcawp thu a si ih bank lam cu kan palhmi a um lo ruangah relmawiawk ciamco khal a tul lo… Hivek thu a leng hi 2003 khal ah a um zo” tin a phuanglang.

Kawlram ih bank tum deuh pawl ih hnatuan khal an feh tluang hai thu khal cui bank pawl hnen ih thusuhnak an sannak in theih a si.
Hi thu phuahcawp hi rintlak lo thuphan thu men a si tiah bank lam ih mithiam U San Htun khal in a rel a si.#

Ref: daily eleven (18.8.2015)

(Visited 131 times, 1 visits today)

Comments

comments

Comments

%d bloggers like this: