Myanmar Ah RC Mission Thlennak Kum 500 Kim Puai Ah Pope Le Thein Sein Sawm Tum

RC kum 500 Hminsinnak

Thuthang simfiangnak an tuah lai

Myanmar ah Roman Catholic (RC) mission ra thlennak kum 500 kimnak puai ah Pope Francis le Hotulal Thein Sein tel dingin sawm an tum thu January 17 ni ih Yangon khawlipi Sanchaung ih Catholic siangbawi pawl zung ah an tuahmi thuthang simfiangnak an an sim thu Eleven Media Group cun a tarlang.

Myanmar ah Roman Catholic mission ra thlennak puaipi cu 2014 kum sung hmuahhmuah Myanmar sung um Catholic pawl in tuah ding an si ih rampi huap kharnak khawmpi cu November 21-23, 2014 ah tuah dingin timlamnak an neih thu, Father Leo Mang cun a sim.

Cun, Pope cu sawm a si zo ih a rat ding a si ahcun biaknaklam lawng siloin Myanmar rampi huap dinhmun in tuah dingah khal an tum thu Father Leo Mang cun a sim beet. Hotulal Thein Sein khal February thla sungah ca thawn official in an sawm ding thu khal a sim beet.

Himi kharnak puaipi hi Yangon ih St. Mary Cathedral biakinn ah November 21, 22 ni pawl ah tuah ding a si ih, November 23 ni ah cun Aung San lehnak bualrawnpi ah nunphung laam a phunphun le hlasaknak thawn an tuah tum thu khal a sim.

(Visited 581 times, 1 visits today)

Comments

comments

Comments

%d bloggers like this: