Myanmar Ah Netherlands Ram Lalnu Tlawng Ding

images (4)Netherland ram lalnu Máxima cun tuithla cem lam ah kan ram sung ah a tlawn tum thu a fiang zo tiin Netherland ram thuthang cun an tarlang. A tlawn tumnak sanbik cu sumpai lam ṭhansohnak ding hrang tawl rel ding mi thu thawi pehpar ih thuhla tawlrel dingah a si.

Netherland, Dutch ti khalih theih rampi hi European ram ihsin kan ram sungih ṭhansohnak lam tuah bawm dingih thinlung petu ram a si ih, President Thein Sein khal 2014, September thla ah an ram a rak tlawng dah hngehnge.

Tuiṭum ih a tlawnnak ding sanbik cu microfinance; miharsa pawl hrang sumkhawlnak, sum cawi theinak le cangsualnak ihsi dahkhamnak (insurance) pawl tuahsak theinak ding hrang ih hmalaknak nei dingin a si.

download (2)Dutch ram hin leitlun hminthang ih an tuah mi Heineken beer tuahnak zung khal 2014 ihsin kan ram ah an ong zo ih culawng siloin mipi hrang thil neuhneuh ṭul mi te pawl tuahtu Unilever cet zung pi pahnih khal a onsak zo.

Netherland ram lalpa hi King Willem a siih a nupi Máxima hi sum lam ṭhansohnak ding hrangih UN ih sungṭuan lubik; UN Secretary General’s Special Advocate for Inclusive Finance for Development a si.#

 

(Visited 460 times, 1 visits today)

Comments

comments

Comments

%d bloggers like this: