Myanmar Ah Mikeu Kawngsang Nat (Dengue) Ruangah Mi 9 Thi Zo

Myanmar ram ah Kawngsang keunaknak tiih theihlar mi Dengue ruangah mi 9 in an thih phah zo ih, nat a ngahtu nauhak a thawng an kim zik thlang.

Ayeyarwady pengkulh hardamnak tlawngbawi pawl, (Public Health Department) ih Assistant Director Dr. Myat Min Tun cun tuikum ah nat a ngah nauhak 600 lengzo sizungah zohkhen an si zo thu Mizzima thuthang ah a sim.

Mipi zaten tuankhawm in, hi nat hi kan cimitter a tul a si titla in mipi pawlhnenah sawmnak a tuah cih. Kum 2015 ah nat kaitu 6423 rak zohkhen a siih, 2016 ah 843 le tuikum 2017, fuur ruahpi a thok men ah mi 611 pawl in nat an kai ihzohkhen an si tiah hminsin asi.

A tam sawn natneitu pawl hi khawte ih um mi an si tiah harhdamnak lam tlangbawi pawl cun an tiih, mi na 600 sungih 450 pawl hi khawte mi siin, mithi lakih mi 8 pawl khal khawte ih um mi an si tiah theih a si.

Myanmar rampum ih nat kaitu tambiknak hmun pawl cu Yangon pengkulh, Ayeyarwady pengkulh, Mandalay pengkulh le Mon pawl ansi tiah hminsin a si.#

(Visited 44 times, 1 visits today)

Comments

comments

Comments

%d bloggers like this: