Myanmar Acozah In Ramleng Ih Milai Zuartong Mi Cazin Tarlang

Myanmar rampi acozah cun 2016 sungih ramleng ih zuartong mi cazin a tarlang. Mi 300 lenglo an kim ih an lak ih mi 41 pawl hi kum kimlo an si tiin le an zuar tambiknak hmun pawl cu, China, Thailand le Malaysia ram pawl ah an si tiin a tarlang. An zuarnak sanbik pawl cu hramhram ih neihawkternak, hnatuan ding le hlawhhlang canter ding pawl ah an si titla hminsin an si.

Minung zuar le Ramri kilhimnak lam tlangbawi pawl ih an hminsin dan ah hi zuarsuah tongtu pawl lakih 213 cu nunau an siih mipa hi 94 an si an ti. China ram ih zuar mi ruang ih thubuai hi 88 an um ih, Thailand ah mi 9 le Malaysia ah mi 6, Myanmar ramsung rori ah mi 28 pawl zuar an si titla in hminsin ahcun a um.

Hramhram ih pasal neihding ih an zuar hlo mi thubuai hi 85 a siih, hnatuan ding hrangih zuar mi 32, hlawhhlang ding hrang ih zuar mi 12, leiba ruang ih zuar mi 1 le fa ih lak dingih zuarmi 1 pawl tla an tel.

Lt­-Col Myo Thein in Irrawaddy thuthang pawl hnen ih a simnak ahcun Rangoon khawpi ah mi 27 lenglo zuarawknak a um tiin  a simih 2015 ah mi 10 lenglo a um titla in a rel.

A sim bet nak ahcun minung zuartu mi 42, nunau 28 le mipa 14 pawl khal kaih an si zo ih mi 47 tluk hi tu ah a um hrih lai ding zum a si thu khal a rel. US State Department cun Myanma rampiih a hminsin ngah lo mi tamzet an um ding an zum. Ahleice in Thailand ram ah nauhak mi 1000 lenglo an hloral ta ding titla in an zum a si.#

  • Irrawaddy

Comments

comments

Comments

%d bloggers like this: