Muvanlai Pakhat Thuanthu

12795464_1042644785792805_6176261809942397384_nSianglianuk Kianghrol

Vei khat lai ahhin tlangtluan kau diaidiai pakhat ah muvanlai bu pakhat a rak um. Muvanlai bu sung ahcun muvanlai tii pali an um.

Ni khat cu ling a hnin ciamco ih muvanlai tii pakhat cu a bu ihsin a ril suak. Muvanlai tii cu a ril vivo ih tlang hnuailam horkuam ih um mi ar vulhnak hmuan ah a vung thleng.

Ar pawl cun muvanlai tii cu an kilkhawi a ttul ti an thei. Curuangah arnu in an rak op ih, muvanlai mawi zet pakhat a hung keuh.

Ar pawl cun muvanlai cu anmah ar vekin an cawm. Muvanlai khal cun an inn cu nuam a ti ih a innsang pawl khal a duhdawt ko. Asinan a nun sungmuril ah thil dang ttulsam lai vek in a thei.

Ni khat cu muvanlai in tlunlam a hun zoh tikah, cak zet ih a zuang rero mi muvanlai pawl a hun hmu. Cutikah, “Aw, khimi vate pawl vekin zuang zuaizo thei sehla ka va duh ve,” tiah a au.

Cutikah ar pawl cun an hnihsuan vualvo ih, “Khivek ih zuang thei ci na si lo. Ar na si ih, ar pawl cu an zuang zuaizo thei ve lo,” tiah an sim. Muvanlai cun tlunvan sang ih zuang rero mi a sungkhat laina diktak pawl cu a zoh cuahco. Anmah vek si thei ding khal a hiar zet.

Muvanlai in a sunmang a rel tinte’n ar pawl cun a cang thei lo ding an ti ringring.

Cutikah muvanlai khal cun a zum thlang. Can tawkfang a liam tikah muvanlai cun sunmang man cu a bansan ih, ar dinhmun in a nun a hmang peh ta.

A netnak ahcun ar dinhmun ih reipi a nundam hnu ah a thi.

Zo na si ti ih na ruatawk mi parah na dinhmun a tthum aw. Muvanlai si ding ih sunmang na neih ahcun, na sunmang kha thlun aw. Ar pawl ih ttongkam kha thlun aw hlah.

Hram: Gary Barnes ih ngan mi ” The story of an eagle living with chickens.”

(Visited 110 times, 1 visits today)

Comments

comments

Comments

%d bloggers like this: