Muslim Cauk Thianghlim Ur Kang Tum

United states, Florida State, Gainesvillae khua ih, Dove World Outreach Centre kohhran ih Pastor, Rev Terry Jones in Muslim sakhua biaknak Cauk thianghlim  Quran cauk urkang a tummi cu America ram mipi leh leitlun ram dangdangih Muslim sakhua betu pawlin nasazetin dodal hman haisehla New York khawpi ih World Trede Centre an siatsuah ni campha thaisun 9/11  ah urkang a tum thotho thu  a puangih, himi thu ruangah America ramsungih Muslim sakhua betu pawl leh leitlun hmun dangdangih Muslim sakhua betu pawlcu  an thin a hengzet.

America ramih Muslim sakhua betu pawlkom  tumbik Council on America Islamic Relations (CAIR) cun  himi an Cauk thianghlin Quran hi a urkang taktak a si ah cun  Quran cauk 2,00.000 cu mipi hnenih zemsuak betsal an tumthu an puangve ih, Muslim pawlkom ih an hotu pakhat  Ali Abdussalam cun  Dove World Outreach Centre in Quran cauk an urkang taktak a si ah cun leitlunah buainak nasa zet a suak tengteng dingih a zumthu a sim.

America ram mipi pawlcun an Party leh an umnak dinhmun pawlcu rellang lo in himi kohhran fatakte Member 50 hrawnglawng umnak ih thilti tummi hi nasazetin an sawiselih, Republican Party hruaitu pawlleh Alaska Governor, hlun  Sarah Palin khalin  Facebook leh Twitter ah  Pastor, in Muslim  sakhua biaknak cauk thianghlim  Quran urkang a tumnak thuhi ttulsal dingin a ngenih Sarah Palin cun himi thucu zianghman thilttha suahnak leh ttangkai nak a neilo ih mi thin heng nak a suakter men a si tiah a sim.

US Secreatry of State, Hillary Clinton khalin  himi  Quran cauk urkang tumnak cu ziangman thil ttangkai nak umlo leh mi thinheng ternak men a siih, thilttulo bik a siih, an Urkang thotho a si khalleh America ram  mipi leh Cozah leh ram mipi aiawh ih thiltuah mi asilo tiah a sim.

Film Star larzet Pakistan ramih UNHCR Goodwill Ambassador, Angelina Jolie khalin  hi Kohhran pawlin Muslim  sakhua biaknak  cauk thinaghlim Quran urkang an tum micu a tthatlo zia tongkam ih relfiang theihlo ding khawpin a pawi ih, himi cauk an urkang taktak a si ah cun Taliban pawlin America ram leh a mipi pawl an huatnak a luar sinsin ding a si tiah a sim.

US Attorney General, Eric Holder leh NATO hotu Anders Fogh Rasmussen leh Afghanistan ramih US ralkap hotu General, David Petraens leh pawlkom dangdang khalin Quran Cauk urkang tumnak cu thil ttullo zet leh  leitlun pumpi ih Muslim sakhua betu pawlih thin a ti heng thluh dingih buainak a suak ciamcoding  ti an phan thu an sim.

Asinan hiti vekin mi tampi in sawisel khal hai sehla  Dove World Outreach Centre kohhran pawl cun Urkang an tum thotho thu an puang, himi Muslim sakhua biaknak  cauk thianghlim urkang an tumnak san hi  World Trede Centre kiangih Muslim pawlin biak iin Musque sak an tum duhlo nak leh leitlunih Muslim pawlih buainak an tuahih mithah  leh Muslim sakhua  an fehpi dan an duhlo zia langter nak ih urkang an tum nak asi.

(Visited 58 times, 1 visits today)

Comments

comments

7 Comments

  1. Saithantluanga Tuallawt says:

    Hi thu cu 11 Sep 2010 hlan ah Rev. Terry John hin Quran ur kang a tum cu a tulh sal zo si. “Musilm cauk thianghlim ur kang tum mi tulh sal” ti ding sawn awm tak a siin ka thei.

    Obama, Hilary Cliton le Afgh ih US army lu bik pawlin ‘Quran cauk hi hal a si len cu Agh ih US army pawl le leilungpi Christian pawl hrangah siatnak nasa zet a thleng phah vivo ding” tin an kham nasa.

    Cuiruangah Rev. Terry John cun 11 Sep hlan ah ” I reject my plan” a ti ta kha si lo maw? News up date lo ve ti fam cu ka nupi nih hi ca hi a rak siar ngah ve ih “Usai USA ah Muslim cauk an ur ding” tin ti thei aw zetin in sim ih “aww si ngai” ka ti. (Ka thinlung te cun, Rev. Terry John khan mi zan news ah a thil tum cauk ur kang kha a thulh sal nan tin a ruak rero)

  2. Quran Cauk Urkang Tum Ttul Hrih Sal

    Relzo vekin United States, Florida State ih Dove World Outreach centre Kohhran in Muslim sakhua Cauk thianghlim Quran urkang an tum micu Pastor, Terry Jones ih hnenah Muslim puithiam pakhat Mahammad Musri in New York khawpi World Trede Centre dinnak Ground Zero ih Muslim pawlin Biak Inn Mosque an sak tummi cu hmundangih tthonsal dingih a sim ruangah Pastor, Terry Jones hin Quran Cauk urkang a tummi a ttulsal thu a puang.

    Asinan Muslim puithiam Mahammad Musri cun himi thuthawi pehpar awin hiti vekih biakrem awknak thutiam zianghman an neih lo thu a simsal veih, curuangah Pastor, Terry Jones cun himi thuhla cu ngaituah sal thotho a tumthu a simsal.

    Quran Cauk urkang ding thuhla ah US President, Obama khalin TV ihsin Pastor, Terry Jones cu a thil tummi ttulsal dingin a ngenih, US Defence Secretary, Robert Gates khalin Pastor, Teerry Jones hi a thil tummi ttulsal dingin a bia , Curuangah leilung tlun pumpi in Quran Cauk hi a urkang taktak kemaw? tiih an thlir laiah Pastor, Terry Jones cun a ttulsal thu a puang. Asinan thil umdan leh fehdan ihzirin a ngaituah sal thotho dingthu a sim.

    Himi thu ruangah Afghanistan ram leh leitlun hmundangih Muslim ram tampi ah Muslim mipi pawlin an duhlo nak langterin US Thantar an urkangih Kristian hmuahhmuah thi thluh haiseh tiah an au ciamco. Afghanistan President, Hamid Karzai khalin Quran Cauk urkang dingcu Islamic sakhua betu pawlih huat bikmi thil a siih, a taktak ih thlencu rello a ngaihtuah hman ngaihtuah dingmi thil a silo tiah a sim.

  3. Juda Pawlin West Bank Ih Inn Sak Bansan Lo Ding

    Isreal Foreign Minister, Avigdor Lieberman cun Isreal ramih Party komkhawmaw Cozah in West Bank ih Juda pawlin Inn an sak laimi thla 10 sung an colh ter hrihmi cu Colhsan lanta dingih Isreal Cozah in hma a la a si ah cun Isreal Cozah tuahtu lakih tel Party tum pahnih nak Yisrael Beitenu Party cun nasa zetin a dodal dingih, West Bank ih Juda pawlih Inn sak bansan dingih thuput lutmi a um a si khallen an Party cun a phar thal cingcing ding a si tiah asim. Yisrael Beitenu Party hi Isreal ram Cozah tuahkhawm tu pawl lakih Party tuum pahnih nak a sive ruangah a thu hi a tlang dingah zum a si.

    Isreal Prime Minister, Benjamin Natanyahu in Palestinian leh Isreal rualrem awknak hawlih an biakawk nak ding hrangah Juda pawlin West Bank ih Inn an sak micu thla 10 sung colhsan hrih dingin a rak tizo ih, Asinan himi an thutiam hi tuithla September, ni 26 ih cemding a siih, himi hnu ih an fehdan ding leh an thil tuah betdan dingcu Isreal PM, hin ziangthu hman a relsuak hrihlo.

    Himi laiah Palestinian Authority cun Juda pawlin West Bank ih an Inn sakmi an sunzawm salding a si ah cun Isreal thawi rualrem awknak hawlih biakawk nak an neih mi ihsi an hnuhdawk awksal dingthu an sim.

    Relzo vekin Isreal leh Palestinian hi kandung zarh ah khan US Washington ah biakawk nak an neizo ih, khami ttumah thu tluknak mumal relsuak theimi an neihlo ruangah tuithla September, ni 14-15 ah khin Egypt ramah biakawk nak an neisal ding. Asinan Isreal Foreign Minister, Lieberman cun Palestinian pawlthawi an biakawk nakah an hlawhtlin a zumlo thu a sim.

    Surbung TLang Thuthang

  4. Dear Saia( Aus )

    Thuthang na rak commnent mi a tha thei zet.
    Thuthang post mi pawl hi a let tu ih man caan, a post tu ih man caan
    tivek in mipi siar thei dingah tawlrelmi a si.

    Curaungah yahoo le Google news vekin zoha tuah thei ke,
    Bulpak thahnemngainak in tuah mi a si ti khal na theihthiam ka zum.
    Cun Interview tuah dan ah Rihli ih na comment mi ka siar.
    Na ti dikzet. Asinan na ruah melo mi thil a um.
    Cucu tuni ah Laimi tampi ramtha thlengin tlawngsang ah siseh zirnak lam ah
    sang zetzet a thleng khal an um.

    Cumi cu Laimi 4% a tling zik lo.
    Curaungah kan Laimi tu rori ih kan level zapi cawhrual ih kan dinhmun tla theih a tul. Kan mah pakhat dinhmun le Laimi zate dinhmun zohthiam tla a tulnak tampi a um.

    Thuthangca cun mipi vangtlang cawhrual dinhmun in a tarlang deuh ringring a tul.

  5. Saithantluanga Tuallawt says:

    @ Christina :

    ” News” na commentnak si lovin keimah in commentnak le fawrhfialnak vek in pe’k ruangah ka lungawi. Si…comment-nak hi ka nei ve theu ih a sual zawngih ruat duh hrangah cun ‘sawisel’ hmang in ti men thei. Asinan, kan news le ka comment mi pawl hi sawisel duh sela ‘hmin lem’ in duh can canah sawi sel theih a si ko. Ka comment mi hi sawisel a bang nan a that duhna lam sawn a si zel ding. Kan Lai media pawl hi tlawmngai can awl an neih lawng ih tawlrel an si ruangah kei ih hun sawisel ban khal an si lo. An mai ruangih news tha tha kan theih hman a tam tuk. Yahoo le Google news up date vek cun ka tehkhin lo, ka focus sawn cu a quility sawn a si.

    Interview thu kha cu tak takah hun rel sal se la. MBBS Doctor tla hi O le Aw thu kan hun sut ringawt mai ih natnak thu hla lam sut sawn lovin, Languestic zir suak kan neihmi pawl hi sut sawn awm tak. Doctor of Theology Bible lam Doctor tla hi O le Aw kan sut le ringawt zel mai hi a si cu hnak cun Laimi kawhhran tam tuk kan doctrine khat le khat a danglamnak cui tlun ih an hmuh le ruat dan Bible sungah zing tin a um or tulai laimi pawl ih Pathian thu kan fehpi dan le controvercial topic pawl tla sut sawn awm tak cu a si. Asinan, interview a tuah tu pawl hi kei ih hun sawisel ban ci an si lovi a sawisel khal ka siang fawn lo. Amah ruangih ” kan laimi mi thiam pawl Bio thu” ka theih hman ‘sui tum’ tia ka ti zo kha.

    Ka comment pawl hi ka ruah dan a si ih mi hmuah hmuah ruah dan cu a si theh lo ding. Cun, ka hmuh le ruah dan tla a dik theh lo ding, thil hmuah hmuah kan ruat fam kim theh thei lo ding ruangah pakhat ih ruah thelh mi mi dang pakhat ih sim awk zel hi Leilungtlun mipi ih kan tul mi a si. Nangtla ka ruat thelhmi hmuh thelhmi in sim ruangah ka lungawi. Pakhat le pakhat up so aw tawn zel kan tul.

    US President hman ruahnak pe tu ziangzah a nei ti thei lo khawpin ka hun knowledge lo a si cu ma le.

  6. Dear Saithantluanga,

    Na canganmi siar a nuam.
    Laica ngan na thiam tuk ti lawng siloin, na ngan paihzet ih ka lo upatzet.
    Ca siar hi a ngan hnakin a ol ka ti. A ngan cu thluak hman a rak tul.

    Na comment mi sungin mallai ka ruahmi cu interview thu a si.
    Interview tuah timi thil ol cu a si lemlo. Mah theihcia mi va tuah cu a olte ding nan
    mai’ mi theih lo mi rori va tuah tla cu suh ding a har duhzet ding ka zum.

    Thusuhmi ah “O le Aw ” hi thu lolam tak, thuho (Mizo ) zet a bang nan calai buaipi ngaingaitu CT le calai duh unau tivek hrangah cun a thupi tuk mi a si ka zum.
    Cule kan calai ih mithiam sang pawl hi linguistics lam zir kan neih mal tikah
    Bible lam doctor siseh, sibawi lam zirsang pawl hi kan rinsanmi an si.
    Cupawl cu kan mipi rinsanmi an si fawn.
    Mipi ih rinsanmi le calai ( literature ) ih thahnemngai kan Dr. pawl va suh cu
    thil awmangtak na ti ve thei mai lo maw?

    Asinan na ca nganmi zoh ah calai na duh ih ka lungkimzet.
    Kan Chin ( Falam ) community sungah kan calai in ziangmi dinhmun a thlengih,
    O le Aw hman lansuak thei hrih lo kan si zia, zo pawl in himi thuhla pawl in kai-awk, zo pawl in remnak a zuam tivek hi tampi na thei tuk lo ruangah himi comment na ngan a si sawn in ka hmu. A tha ve ko mai hmuh dan in ngan tawp mai ding a si.

    Tongkam mawi lo ka telh pang maw? (hahaha …… Hni phah uhsi damnak a si,
    thupi tuk in ruat lo awla, ka rak thai ve kuako a si hi)

    Duhdawtnak thawn,
    Pathuam
    ========

  7. Saithantluanga Tuallawt says:

    @Upa Thuam

    April/May 2006 ah rin loh pin fala pakhat hnen in e-mail ka ngah ih cui mi ka reply-nak cu Falam Lai tawng ka ngannak hmaisa bik a si ih cu cu Mother Teresa ih Nobel Peace for Price a ngah kum (1979), cui kum cu hi leilung khaw eng ka rak hmuh kum a si ih ka piang ihsin kum 25 hnu lawngah Falam ca hi ka ngan. Cui Ca (thu) cu tisa ah ra cangin May 26 ah dam sung hmun khatte um dingih kan nei aw. Laica ka thiam loh zia thei aw lo khawpin Laica hi ka thiam lo, suak pek vek rori ka si.

    Kan mithiam interview-nak thu kha cu ‘interview tuah tu pawl’ an thiam lo/tha lo/ O le Aw thu suh a tha lo ti lam kha ka focus duh mi si lovin ‘ka comment nak’ ihsin idea dang dang an neih bet duhsakna sawnin ‘ka hun faksel hrim-mi’ sawn men hau khaw. Si, kan Doctor pawl hi kan rinsan mi an si ih an specialist-nak lam hi kan ‘ ti ti pi ‘ mal tuk deuh ti thu sawn men a si. Zep hlek lovi kan thu hla hi ka thei mal khawp !!!

Comments

%d bloggers like this: