Muse Branch Kanbawza Bank Meisa Kang ; Vice President Hlun Sai Mauk Kham Ih Unu Le Tunu Thi

January Van

Muse khua ah private bank pakhat thaw’i kopmi inn pakhat a kang ih inntek nu tel in nunau pahnih an thi tiah Muse ralkap zung ihsin thu theih a si.

Muse khua, Homun veng ih Kanbawza Mini Bank phuannak inn cu May 17, zing lam ah minute 40 sung a kaang ih kum (76) mi le kum (51) mi nunau pahnih an thi. Kum (76) mi cu vice president hlun Sai Mauk Kham ih u a si ti’n ralkap zung ih hotu pakhat in a sim.

“Zing lam nazi 2:40 ah meisa a kang thok. Nazi 3:20 ah meisa thah thei a si. Cumi ah kum (76) mi pitar pakhat a thi. Cu hnu ah cuih pitar ih fanu pakhat a thi” ti’n ralkap hotu pakhat cun a sim bet.

Meisa kang mi inn hi sawng hnih a si ih a hnuai ih an sanmi, Kanbawza Mini Bank cu kaang loin a tlun ih inn sawn a kaang tiin Muse sakhaanhmu in a sim.

Meisa kang laiah cuih inn sung ah nunau pathum an um ih pakhat cu meisa kangnak in a luat. Wire shock ruangih meisa kang a si ih daithlan ruangah tiin thuhla zinzoi a si. Meisa kang ruangih cemralmi hi sumpai in Ks ting 60 hrawng a si tiah theih a si.

Hrm : DVB

Comments

comments

Comments

%d bloggers like this: