Murphy Ih Daan pawl

January 28

Tlawngkai Nithum

 

Murphy Ih Daan pawl

 

Siar:

Suahlannak 20:1-17

 

Keimah siar lo Pathian dang nan bia lo pei. – Suahlannak 20:3

 

Kumkhat sung Baibal:

          Suahlannak 19-20

          Matthai 18:21-35

 

Murphy ih daan pawl cu nun daan hminsinnak an si ih hmuhtonmi parah a tthum aw. “A sualmi cu sual ko seh,” timi le “Thil pakhat lawng na tuah thei lo, ziang hmuahhmuah in lehhnu thu an nei ttheh” timi na thei dah zo men ding.

 

Murphy ih daan hmaisa cu ka hmuhton daan thawn an bangrep nain a neta sawn hi cu phar parah taar ka duh. Duhhril sualmi cun lehhnu thu an nei. Tahtthimnak ah nunnomnak hril bang sehla kan tesinfa parah hmual a nei ding (Suah. 20:4-5). Pathian hnen ihsin kan tlan a si ahcun kan faale pawl kanmah thawn an dungtolh ve ding. Kan kir saal a si ahcun an dungtolh lo ding.

 

Thuthangttha pakhat a um. Bawipa hnenih pumpek awknak in lehhnu thu a nei. Nu le pa Pathian hmai ah rinsan tlak ih a umtu cun an tesinfa parah an nun daan in a ciahneh (influence) thei. An dam rei a si ahcun san tampi tiang an zumnak cu tetti an khaan thei ding. Khrih hrangih an nunnak ah pitlinnak le lungkimnak a pek ding.

 

Murphy le Baibal lungkimnak cu hinah a um: “Ziang hmuahhmuah in lehhnu thu an nei.”

 

Sualnak thlaici na vorh ahcun,

Sualnak thlairah na khawm ding;

Dingfelnak thlaici na theh darh a si ahcun,

Na kil theimi thluasuah na khawm ding.

 

Khrih a thluntu cun lamdik ah mi an hruai.

(Visited 24 times, 1 visits today)

Comments

comments

Comments

%d bloggers like this: