Mui-thlam Langter

March 22

Nipi Ni

Mui-thlam  Langter

 Siar: 1Korin 1:18-31

Cuti a si ruangah Pathian hmai ahcun zohman an uang-aw thei lo ding.

– 1Korin 1:29

 Kumkhat Sung Baibal:   Joshua 10-12   Luka 1:39-56

 Thuanthu an simmi ah Michelangelo cu zuk a suai tikah a kut khat in brush a kai ih a zuk suaimi parah amah phenthlam tlak lo dingin a kut khatlam in phazawngdaing a keng in a suai an ti.

           Kannih khal Pathian ih sunlawinak kan nunnak ah langter ding kan duh taktak asile cuvek lungput nei ding kan si. Hmanseh kan mawttaw, kan hnipuan, kan hnattuan, kan dinhmun, kan fimnak le kan hlawhtlinnak hmuah in kanmah duhnak hrang lawngah kan nung. Kanmah hrang lawng kan nun ahcun mi in kan sungah Jesuh an hmuh ding cu a harzet. Jesuh sunlawinak langter dingah runmi kan si (Rom 8:29) na’n kanmai’ thlam in a phen .

           Korin khua zumtu pawl an uang awk tikah Paul in, “Pathian hmai ahcun zohman an uang aw thei lo ding,” tiah raalrinnak a pek hngai ih Jeremiah a rak simmi: “Zokhal in uar awk a duh asile keimah i theihnak le i theihthiamnak in uar aw sawn seh,” (c. 31; Jer. 9:24) timi a mangter hngai saal.

           Na nunnak cu zuksuainak muka sisehla mi in ziang an hmuh ding na duh? Jesuh ih mui-thlam maw nangmai’ mui-thlam mi hmuhter na duh? Zuk tumpi suai rerolai ah phen hlah aw. Midang in na sungah Jesuh hmu dingin nung aw.

 Kan nunnak cu Pathian suaimi zuk a si,

Cuhrangah hngal ding zianghman ka nei lo;

Leilung tlunah Jesuh ih hmuihmel langter ding cu,

Ka duhbikmi a si.

 Khristian pakhat ih nunnak cu

midang in Jesuh an hmuh theinak zuksuainak muka a si.

(Visited 21 times, 1 visits today)

Comments

comments

Comments

%d bloggers like this: