Mozart ih Vate Zuatmi

August 19

Tlawngkai Nili 

Mozart Ih Vate Zuatmi 

Siar:

Saam 104:1-13 

Tiva kap ih thingkung parah vate in bu an sak ih hla an sak. – Saam 104:12 

Kumkhat Sung Baibal:

–   Saam 103-104

–   I Korin. 2 

Mozart cu hlaphuah thiam saang hminthangzet pakhat a si. Vate ih hlasakmi aw mawite a ngainak ihsin thazaang ngah ih hla aw bun theitu pa a si. Mozart in vate hlasak thiam pakhat duhnungzet a zua ih cuih a vate zuatnak inn ihsin a theihmi aw mawi cu hmang tahrat in hla tampi a phuah an ti.           

Vate pawl hi hlaphuahtu pawl ih hlaphuahnak ah bawmtu le thapetu an si. Saam 104 ah, leilung parih a retmi sersiammi thilnung pawl a kilkhawinak parah Saam ngantu in Pathian a thangtthat. Vate pawl cu van ah an zuang, thinghnge parah an fu ih hla mawi tete an sak. Tiva kap ih thingkung parah vate cun bu sak in hla an sak (c.12). Kan leilungpi ih si daan hin hlaphuahtu pawl thinlung sungah Pathian thangtthatnak in a khatter. Vate aw mawi khal a tel cih ding ka zum.           

Mangbangza sersiammi kan hmuh ttheumi pawl in Pathian biak duhnak thinlung in neihter. Himi thu hi Baibal hmun tampi ah kan hmu thei: “Van in Pathian  sunlawinak a sim ih, tlolak kaupi in a kutzung an langter (Saam 19:1). Sersiammi in thangtthat duhnak in neihter theimi hi hngilh hlo men ding a si lo. Nitin kan nunnak ah Pathian ih a umtermi a sersiammi pawl ih thangtthatnak hla mawi pawl hi kan thinlung sungah um ve sehla, sersiamtu thangtthatnak ah si ve hram seh.     – Dennis Fisher 

Mozart in, vate pawl ih hlasakmi aw pawl cu,

Awnmawi lam ceimawinak ih a hman vekin;

Leitlun huap hlasaknak ah kan aw bet ve uhsi!

Sersiamtu Pathian thangtthatnak ah.   – F. Hess 

Amahte ih ummi leitlun thil hmuahhmuah hi

sersiamtu ih hruainak in hlarem aw mawizet an si.

(Visited 35 times, 1 visits today)

Comments

comments

Comments

%d bloggers like this: