Monsoon ruah sur daan ding thleng

TOI/ 2 March 2009

Nikhua zofeltu pawl cun leitlun a hlum vivo ruangah ramkip ih a sur theumi monsoon ruah cu ni 5-15 tiang in a tlai ding an ti. Khawhlum (warming) ruangah ruahsur a ti mal ding ti khal in an sim bet. Thlawh lai lo hma ih cinmi rawl, thingthei, thingkung pawl khal an se vivo ding.

Leitlun ih ram tam sawn ah khawhlum harsatnak a thleng dingih a hleice in South Asia lam ah nasa takin mangtam le khawhlum tuar thei lo khawp ih a thlen ding thu phuan a si.

Ni khua zofeltu pawl ih sim vivo nak ahcun tui kum ihsin monsoon ruah sur daan a thleng aw dingih a hleice in India, Burma, Bangladesh ah nasa takin a sur ding nan  Pakistan le Nepal ram lam ah malte lawng a sur ding tin a rel.

Burma, Sri Lanka le India ram ah monsoon ruah sur caan a tlai deuh ding. Asinan a sur caan ah tilik nasa takin a thleng ding ih, mi tampi a siatsuah ih hlei ah nasa takin damlonak hri sia/pulhnat pawl a thlen ding thu an sim cia.

Kum dang vek siloin tuikum ah nasa takin moonson ruah a sur dingih mipi pi hrangah ttih nungza a si ding. Tilik nasa tak a thlen hnu ah natnak thalo, pam, ramsa natnak le minung ih kan duh lo zetmi boruak tha lo zetzet pawl a thlen ding thu khal an sim cia.

Thuthangtawi

Pumpi pahnih nei

Michigan nu pakhat cu pumpi pahnih a neih ih hlei ah faphir a pai. Mani 1 March ah fanu phir damten a nei suak thei tin WLUC-TV cun a phuang.

A thupten

US mifim pawl ih theihsuakmi cu, Iran mipi pawl in Taliban ralthuam thawn an bawm theu timi a si.

Um lo an ti

Leitlun hnatuannak lam zohfeltu pawl cun minit pakhat daan ah hna tuantu mi (5) tluk cu hna tuan ding um lo ruangah  an hna tuan an suahsan tin an phuang.

Comments

comments

Comments

%d bloggers like this: