Model Aye Chan Myat Moe Thah Tong

21
Kawlram Model thar Aye Chan myat Moe cu naamte thawn a hngawngah sun in thah a ton thu tulai facebook ah a khat. Theih famkim duhtu khal an um cio. Thuthang hrekkhat cun a tlangval pa thawn thukam elawk in a tlangval paih thah a si thu an sim. Himi thu ah online ahcun an hmuhdan a phunphun in an ngan cio.

Model Aye chan Myat Moe cu an inn sangka ihsin “Ka Nu!! In Run uh!!” tiin a au ih cuih au-aw an theih veten a nu le a U nu cu an va suak ih a hngawngah Naamte ih sunnak hliam tuarin thisen ih khat cu an va hmu.Zato an fehpi laiah a nunnak a cem thu thuthang ah an ngan.

The Irrawaddy news ih a ngan dan vek a sile, Lengdawh Aye Chan Myat Moe thattu hi a tlangval a si lo. Thei aw ih komnelaw an si. Amah Lengdawh Aye Chan Myat Moe lawng si lo, a sungkua pawl thawn khal thei aw in an inn ih lutsuak dualdo mi a rak si dah. Asinan Tlangval pa cu Riittheih Sii a suai ruangah an ngaih lem nawn lonak a si.

The Irrawady News cun Lengdawh Aye Chan Myat Moe hi Yangon khawlipi, Dagon pengtthen, U Wei Sarah inn hmun ih um kum 20 fala note, model thar lemcang a si thu, August 26, zan 7:30pm hrawngah naamte ih sunnak ruangih a thih thu siat tongtu innsang hnen in le Dagon pengtthen palik zung ihsi thu an don thu pawl an tarlang.

An ngan peh vivonak ahcun, Lengdawh Aye Chan Myat Moe a umnak inn dotthumnak pan in amahte a ra tlun lai cu mahlawng ih rak duhtu (one side love/ တဖက္သတ္ခ်စ္ႀကိဳက္ေနခဲ့တဲ့) Ko Ant Phyo Paing timi pa cun dothnihnak ihsin a rak bawh thup ih Fala nu ih hngawng ah naam thawn a rak dawt cih tiin mithi tuih u nu Nya Chan Myat Phyo cun Irrawady hnenah a sim.

“Ziangvek hmuhthiamawklonak an neih ruangih a that ti cu kan thei lo. Ka naunu a ra tlun hlan ihsin kan inn tang ihsi a rak hngah thu a hmutu pawl in in sim. Tang khaan ihsin ti hrumhroih awn thawm kan thei. Ka naunu ih hngawng cu thisen a khat thluh. ‘Ka nu aw!!! In run uh!!!’ tiin au phahin kan inn lam pan in a ra tlan lai tiangah thu a cingmang thei lai. Thisen suak a tam tuk lawmmam ih zato kan thlen ah a nunnak a cem” tiin Aye Chan Myat Phyo cun thilcang dan pawl a sim.
20

A thattu Ko Ant Phyo Paing(အ့ံၿဖိဳးပိုင္) cu U Wei Sarah Inn hmun kulhsung ih um pawlin an kai cih. Palik pawlin ttuanvo an lak lai ih cipciar in an zingzoi rero lai a si.

Lengdawh Aye chan Myat Moe le mithat Ko Ant Phyo Naing hi fala le tlangval duhawk ih mi duhaw an silonak thu a unu cun hitin a sim. “Tittoo Lwin thuthang ih a nganmi vekih fala le tlangval thukam elawk ruangih thilcang a si lo lawlaw. Ka naunu ih phone sung message pawl kan zoh tikah normal pehpaihawknak menmen a si. Zianghman simfiangnak caan ngah loih in thihsantu ka naunu parah a diklomi an ngan ding ka duh lo, a diklomi an sim khal ka duh lo” tiin a sim.

The Voice thuthang ih a ngandan vek a si le, Tlangval Ant Phyo Paing cun duh thu a sim nan fala nu in a rak el. cun, Lengdawh Aye Chan Myat Moe hi English Major in 2nd year a kai rero laifang a siih suahpi unau thum lakih nautabik a si thu a ngan. Cun ,2014 Febuary ah Parkson Kungttaih ih an tuahmi Model hrilnak ah zuamawknak telin IDEA le Fashion Magazine pawlah a phawcuang model zuk a cuang thei,. Cutin zungthiam khawvel ih lut thok a si ih atu ah Laurel Art Academy ah training kai phah rero in thehlarnak hrekkhat, magazine pawlah a cuang rero theifang a si.

A ruak vuinak cu August 30, zarhte ni, tlailam 2:00pm ah Yewei thlanmual ah neih a si ding. (Thuthang blog pakhat cun Aye Chan Myat Moe hi Christian a si tiin a ngan)

A U Aye Chan Myat Phyo cun a nau hi Vancung ram a kai ding a zum hnet thu facebook ah hitin a ngan.

“I am Aye Chan Myat Phyo, Her sister. I am so sad for my little baby.I will keep opening for this facebook for her friends. Thank u very much for all of friends to worry about my sis. I truly believe she is definately in heaven. I love you so much.

Aye Chan sis.”
‪#‎CTnews‬

Source : The Irrawady News, The Voice, Myanmar Celebrities, Aye Chan Myat Moe facebook

Comments

comments

Comments

%d bloggers like this: