MOAB Bomb Thlak Ih IS Thi Pung; North Korea In Ralthuam Pholangnak A Nei Rero Lai

Tulai leitlun mipi pawl mit a futnak bik cu North Korea pawl ih ralthuam cangvaih celek dan thlirnak hi a si. US in a longpi Korea lam ih a her hnu khalah a thiltumtah mi hi a thulh cuanglo ding tiin leitlun mi thiamsang tamsawn ih an zum mi cu a si.

Tuini hi North Korea ih an president Kim Jong-un ih a suah kum 105 kim lawmnak a si. Hi suahcam lawmannak hi an president pa a thihzo ruangah suunnak caan thawn serhsang zet in an hmang. Hi mi caan ah nuclear thacak a veiruknak hrang a puahter ko ding tiih zum zet mi a si. Danglamzet pakhat a simi cu tuini hitiih suunnak le lawmnak caan an hmannak ah an anralkap hotu lu pawl hmuh ding an um tuk lem lo.

N. Korea pawl cun US in Afghanistan ih a thlak mivek bomb thlak sehla a kap ve ding tiah zum a um zet. US in Afghanistan ram ih IS mihel pawl umnak hmun ih a thlak mi nuclear bomb siloih leitlun bomb lakih cabik MOAB ruangih IS ralkap thi mi 90 an kim tiin akiangkap um thuhla theitu cun an sim.

Mi thi pawl hi Ismail Shinwary timi bomb an thlaknak hmun, Achin pengkulh Nangarhar ih tuanvo neitu pawl ih siar mi a si.

North Korea cun US ih hrinhronak hi zianghman ah siar loin, do a ngam ve thu le ziangvek raldonak ding khalah a ralring thu a rak sim. Tufang hi an raltuam pawl pholang in caan an hman rero laifang a si.#

Comments

comments

Comments

%d bloggers like this: