Mizoram Khawrel Siatton Hrang Falam Ihsin Bawmnak Pek Tum

Mizoram ih khuarel siattonnak an tuar rero lai mi ah Falam ih dinhram bun GCO le CRCDF pawl in bawmnak pek a tum tiin thu kan dong.

CRCDF pawl ih huaihotnak in tuini tiang Mizoram pawl bawmnak ding hrang MMK 3358050 anngah zo tiin CRCDF hotu Pu Dar hnen ihsin thu kan thei. GCO khalin himi hrangah bawmnak pek antum tiin kan thei.

Mizoram pawl bawmnak hrang CRCDF pawlih huaihotnak in CISS tlawngta in Falam inntin ah sumkhawnnak in MMK 2158050 siseh, Concert nak thawn MMK 1200000 siseh an ngah zo. Himi leng ah Kawhhran le pawlkom dangdang te ihsin sumpai khawnkhawm awk rero lai a si titla in thu kan dong.

Mizoram ih District 3 ah nasa ngaiten leimin in a ciim ih innkhi 877 a siat ih mipum 12 in an nun an liam phah zo tiin Hindustan time cun a tarlang.

2015 kum Chin ramkulh ih Koma khuarel siattonnak a rak thlen laiiah Mizo pawl hnen ihsin sumpai MMK 29926229 thawn bawmnak an rak dong ve.

Hakha pawl khalin Hakha Rescue Committee pawl in Ting 500 leng bawmnak an pe tiin Salai Lungthlitum cun a tarlang. Tedim pawl khal in Ting 70 lai an pek ve tiin thu kan thei.#

Comments

comments

Comments

%d bloggers like this: