Mizoram hrilawknak ah Congress in nehnak an co

Aizawl: Mizoram hrilawknak siar rero a si. Chief Minister voi thum a ttuanzo tu Pu Lalthanhawla cun hrilawknak ih a zuamnak hmun-hmun hnih ah nehnak a ngah ve ve. South Tipui ah a tumpi Mizo National Front (MNF) pawl cu vote 96 ngah in le Serchhip ah seat 952 rori ngah in nehnak a co.

Congress Party lam in PC Lalthanliana cun Lunglei Nitlaknak lamah MNF pawl cu vote 705 ngahin nehnak a co ih, an mai party thotho in RL Pianmawia khal cun Tuivawl ah vote 472 ngah in nehnak a co.

Congress lamih zuamnak (candidate) a teltu R Lalzirliana in Tawi ah vote 1,211 a ngah ih, Turial ah Hmindailova Khiangte in vote 1022 ngah ve in le H Liansailova in Aizawl North ah an tumpi MNF cu vote 266 ngahin Congress party cun nehnak an co.

2003 hrilawknak ah MNF in seat 21 in nehnak an rak co ih Congress in seat 12 lawng an rak ngah. Nihar Kanti Chakma in West Tuipui ah vote 1540 ngah in le Saiha ah S, Hiato in nehnak an rak co. MNF hin tum hnih (term 2) lalnak an co. L Ralte khal in Hachhek ah khal nehnak a co.

Tu tiang ih vote an siar nakah cun Congress in seat 40 ah 28 an ngah zo ih, MNF in 3 Mizo People’s Conference in 2 le Maraland Democratic Party le Zoram nationalist Party in 1 veve ngah in seat 35 cu siar zo a si.

Chief minister Zoramthanga hin North Champhai ih a zuamnakah leh South Champhai ih a zuamnak ih nehnak a co lo cun MNF party mipi pawl an thin ti sosangbik tu asi tiin thuthang cun a puang.

Comments

comments

Tags:

Comments

%d bloggers like this: