Mizoram Central Jail Ihsin Mi 5 Tlan Suak

Tualbawm thla ni 12, zan 10:30pm hrawngah Aizawl Central Jail ihsin thawngtla mi 5 an tlan suak.

Mizoram Central jail Aizawl ihsin damsung thawng tla ding mi 4 le kum 7 sung thawngtla ding mi 1 cu Thawnginn kulhnak lungdawl tlun ih thirhling kulh sângahkai liamin, an tlan suak. Tlansuak pawl cu-
1. MD Mister (vai) kum 28, Bihar
2. Kaplianthanga, Ngur khua,
3. Budhi Joy Riang, Chilui khua, Tripura lam mi
4. Baire Riang (21) Bethany khua, Pangbal lam khuasuak le
5. Myo Kyi @Lalhmingthanga (kawlram mi) pawl an si.

MD Mister (28) hi, fala Lalremsiami, Rebuplic Veng, kum 2004 ih thattu kha a si ih, damsung thawngtla ding ih timi a si. Kaplianthang hi kum 2004 ah khan Tiau kap ih tual a rak thah ruangah damsung thawngtla dingin a thuhla relmi a si. Budhi Joy Riang (24) le Baire Riang hi, an rualpi 3 thawn mi paisa lak sakin an thah cih ruangah damsung thawngtla dingih timi a si. Myo Kyi (34) hi, kumtling lo ihpi case ruangah 2010 ah khal kaih a rak si zo, kum 7 thawngtla ding ih  thu rel a si.

An tlan suah daan cu, cell khat sungah room 4 um in, room 2 cu  a lawng, room 2 ahcun mi 3 veve an um. Cell hi, a leng ih tawh(tala) an kalh lawng siloin, room tinah tawh kalh thluh an si. Himi room ih um, mi pakhat cu a tlan suak ve lo. Cu pai’ sim daan ahcun, room khat lam ih mi pakhat in, kan sangka kalhnak tawh cu a ra ong ih, ka rualpi 2 cu a hruai suah hnu ah tawh in kalh khum sal. Nazi 1 hnu lawngah duty na sim ding tiah in ti a ti. Hi pa hin, tlan suah an tum thu, zianghman a theih ve lo thu khal a sim tel. Tawhfung (cahbi) hi ziangtin an nei thei ti hi, palikpawl in an thei suak thei hrih lo. An tawh pawl cu an retnakah kimten a um fawn, palik pawl an mang a bang zet.

Tlan suak ve lo pa cun an tlan ihsin minute 20 hrawngah duty a report ih, thawnginn kulh sung ih an umlai an rin ruangah an hawl ciamco ih, an tlansuahnak hnuhma an hmu. Thawnginn kulhnak thirhlingnei parah an puan sih ih vawkin, an tlan suak thei si ah an zum thu an sim. An hnipuan pawl, kedam 3 le an rawlei ding ih an ken mipawl khal  an tan ta. Wacth tower tampi a um ih, tui an tlan suahnak ngêlcel ahhin duty an um lo ti a si.

Tlan suak tu mi 5 pawl hi, a hlan ih an umnak ihsin, tlan suah tum in, an umnak room an rak virh ong ruangah hitawk hmun (cell) ih an khum betnak san a si. A tlan suak ve lo pa cu an ration dawnmipawl a rak fir thup t’heu ruangah hitawk hmunah khum a si tiin a rak zum. Himi thu kan ngan tiangah zohman an kai ngah hrih lo.

LPS Special report

(Visited 70 times, 1 visits today)

Comments

comments

3 Comments

  1. Zodai Zilthli says:

    Thawngtla panga lak ih pali cu an kaih sal zo thu, ni 14/6/12 zingah “LPS Chibai Mizoram” cun a phuang. An kaih ngah hrih lo mi hi, Kawlram mi Myoe Kyi a si.

  2. Ruth zingte says:

    cu tete!!! a va rapthlak um ve………an tlan suah dan cu…….

  3. Ruth zingte says:

    kawlram pa cu kawlram lam a thleng zo si pei cu??????????????????

Comments

%d bloggers like this: