Mizeng Pa Tidam in A Um

February 21
Tlawngkai Nihnih

Mizeng Pa Tidam in A Um

Cule Peter cun, “Tangka lo pek ding zianghman ka nei lo; asinain ka neihmi ka lo pe: Nazareth mi Jesuh hmin in tho awla feh aw,” tiah a ti.
Tirh. 3:6

Bible Siar Ding: Tirh. 3:1-16

Peter le Johan hi fimthiamnak nei le zirsaang mi an si lo. Phunsang tlawng khal an kai dah lo, ngakaih daan lawng thiammi an si. Asinan Jesuh thawn umtlangmi an si. An hnenah Jesuh hmin ih huham le phuanlangnak a thleng. Jesuh in a pungzaiter hnu ah sang le nga mipi hnenah an zem. Jesuh thawn cabuai pakhat an totlang ih Johan tla cu Jesuh mit-hmai naizet ih zoh ngahtu a si. Jesuh in Peter hi a kawk ttheu nain a duhdawtnak a parah a langter. Mi duhdawt thiamzet Rundamtu a si. A va sunglawi ve. Kei hi vei tampi cu ka lung a ruhzet ttheu. Sup aw thei loin ka thin a tawi lok mai ttheu. Asinan Bawipa cu a thinsau. Jesuh hmin sungah huham cahnak le thiltitheinak a um ih mangbangza tidamnak tla a sungah a um a si.

Amah cu Pathian ih Tuufano, Pathian Fapa neihsun, a parah leitlun sualnak tthummi pa a si ti na hmuh thiam tik lawngah a huham na thei ding. Miluat kan si theinak dingah Jesuh in a man a pe thluh zo. Curuangah a man ih leimi ro sunglawi rundamnak, kumkhua nunnak le huham thiltitheinak sungah lut thei na si zo.

Mi farah Peter le Johan cu paisa zianghman an nei lo. Khami laitak ahkhan Peter le Johan hnakih farah an tam lem ding ka zum lo. Sikhalsehla annih cun rinnak an nei; Thlarau Thianghlim ih huham cahnak an nei; Pathian nung an nei a si.

Zumtu unau, zianghman nei lo mifarahzet na si hmanah ziangkim neitu Pathian neitu na si thei. Na mizia na hlohter hmanah Pathian na nei thei thotho. Misualbik khal Pathian duhdawtnak huham in a rundammi tampi ka hmu.

Zumnak na neih ahcun Pathian ih rundamnak ro sunglawi na co thei. Kumkhua nunnak neitu na si. Jesuh hmin in mangbangza khuaruahhar tuah thei na si ve. Paisa zianghman nei lo Peter in mizeng pa kha Jesuh hmin ih huham in a thoter thei a si kha!

Zianghmanlo sinak ah a lo hruai ding, asinan huham in na khat ding. Derdainak sungah a lo hruai ding, asinan na thazaang a cakzet ding. Minunglam thlir daan ih derdainak cu Pathian huham ih khahnak a si.

@ Smith Wigglesworth

(Visited 32 times, 1 visits today)

Comments

comments

2 Comments

  1. falam sermon in kuat ringring hnak duh in

Comments

%d bloggers like this: