Mitthli Thawn Thlaici Vorh

December 12

Zarhte Ni

 

Mitthli Thawn Thlaici  Vorh

 

Siar:

Efesa 4:17-24

 

Ka riahsiatnak cu a nasa ngaingai;

ka phunpi ka thi le ka sa a si mi pawl hrangah.     – Rom 9:2

 

Kumkhat Sung Baibal:

–   Hosea 9-11

–   Thuphuan 3

 

Bible zirhnak ka nei ih Efesa 4:17-24 thu ringpi in kan siarlai ah Alyssa cu a ttap. Ziangruangah a si pei? ti’n kan mang a bang. Ka ttahnak san cu, “Hih Bible cang ringpi ih kan siar tikah thlarau hlo mi pawl ih dinhmun in hmuter. Pathian hnen ihsin an tlanhlo ih an mit a caw ttheh. Cumi in ka thin i natter a si,” a ti.

     

An lakih a dang pakhat in a sim vemi cu, “Zumlotu pawl hrangah ka riah a sia dah lo, Pathian in thu a tthen leh ding ni ka ruah sak dah lo,” tiah thin lauzet in a sim.

     

Paul in “a hlo mi” pawl ih dinhmun a sim; “An thinlung cu a thim. Pathian ih pekmi nunnak sungah covo zianghman an nei lo, ziangahtile zianghman theihmi an nei lo ih an thinlung a ruh remrem” (Efesa 4:18). A vun theihhliah awkmi cu a miphun a milesa pawl in Khrih ih duhdawtnak an thei lotuk ruangah a riahsiatnak a nasa ngaingai (Rom 9:1-3).

           

Zumlotu pawl ih dinhmun kan ruah tikah an parih Pathian lungput kan thei. “Bawipa cu kan parah a thin a sau, pakhat hman hlohral loin an sual an sir ih a hnenih  rat ding a duh” (2Pet. 3:9). Midang hrangah thinlung takte’n thla kan cam ih Pathian thu kan sim tikah a duhdawtnak ah kan mit a vang.

 

In pe aw Bawipa, thlarau hlo na duhdawtnak,

A hlo mi le a rak vaimi tuu;

Mi thawng tampi ka hmu ding,

Na ttahpi vekin ka ttahpi ve ding.

 

Bawipai’ hnenah na thinlung ong awla,

A hlo mi pawl hnenah na mit a lo vangter ding.

(Visited 32 times, 1 visits today)

Comments

comments

Comments

%d bloggers like this: