Mitt Romney Ka Vote Hlan Ah A Thuhla Malte Theih Ka Duh

Khawmtu:  Thengre

Mitt Romney ih hmin ngaingai cu Willard Mitt Romney asiih March 12, 1947, in Detroit, Michigan ah a rak piang. Michigan Governor rak ṭuan dah George Romney ih fapa a si. 1994 ah Massachusetts Senate tokham arak cuh dah nan a rak hlawhsam, asinan 2002 Olympic Games, Salt Lake Organizing Committee a rak hoha ih hlawhtling zetin an tuahsuak thei. 2003 ah Massachusetts governor hna a ngah ih kum 2008 ah Republican nomination ah a lut nan John McCain neh loin a rak tla.

June 2012 ihsin ṭan a la ciamco ih presidential nomination ah a tel ih cutin a thlawhtlin vivo ruangah Republican Party’s presidential nominee nak ah a tel. U.S tlawng ṭha pahnih Brigham Young University le Harvard Law School and Harvard Business School ah kai in Master of Business Administration  1975 ah a zir suak. Romney cun  Ann Davies 1969 ah a ṭhi ih fa 5 an nei.

Anmah hi Church of Jesus Christ of Latter-day Saints ah kawhhran member hngetzet an si ih Mormonism biaknak betu an sizia khal mikip theih ah an phuang.  2004 ah Turnaround: Crisis, Leadership, and the Olympic Games timi cabu a rak ngan. 2008 ih president arak cuh lai ah million $110 a rak cem ih amai sumpai a hmanmi $45 million lenglo a kim. No Apology: The Case for American Greatness timi cabu 2010 ah a ngan ih New York Times’ best-seller list ah a tel ban.

Campaign a pawlsawm suksonak thu ah 2012 hrang president cuh in June 2, 2011 ihsi khan New Hampshire ah a pawlsamnak a rak thok. Amah hi an kawhhran ah caan hman ten sawm ih pakhat pe theutu tla a si. Nikum ih report daan vek ahcun an nupa ih an hman ṭawmmi sumpai lawng ah million $250 leng lo a si. Tuini tiang pawl a sawmnak ahcun a hlawhtlingzet ih tuikum TIME pawlih leitlun mineh theibik 100 an rak hrilnak khalah Romney hi a rak tel lawng men siloin People Magazine in Leitlun mimawibik 50 pawl, 2002 ih a rak hrilnak ah Romney hi a rak tel.

(Visited 64 times, 1 visits today)

Comments

comments

One Comment

  1. Mormon Biaknak Thluntu A si: Ziangsi Mornmon cu?

    Mormons an ti theu mi hi Joseph Smith in 1820 ah a rak hmu suak. Smith kum 14 a si lai ah Pathian in tlang parah a hruai ih lung mankhung parah North America – the Latter-day Saints mipi pawl thuhla nganmi a rak hmuh ter cumi cabu cu Book of Mormon tiah an ko ih hi biaknak a tlun tu an rak karh vivo. Leitlun ah himibiaknak be tu 14 million an um ve cu the.

Comments

%d bloggers like this: