Mitling Ih Tuahmi

 

 

May 14

Tlawngkai Nili

 

Mitling Ih Tuahmi

 

Siar:

Matthai 4:18-22

 

Jesuh cun, “Ka hnenah ra uhla milai kaitu ah ka lo tuah ding,” a ti.

-Matthai 4:19

 

Kumkhat Sung Baibal:

   2Siangpahrang 19-21

   Johan 4:1-30

 

Phunhra ongtu pawl cu an duhmi phunsang tlawng kai an sioh ih an ngah le ngah lo thuthannak ca an hngak ttheu.

 

Thukam Thar san ih Judah mipa nauhak pawl cu rabbinical school timi biaknaklam tlawng ah kum 13 an kim tiang an kai. Cu hnu ah a tthabik le fimbik pawl lawng an khua ih rabbi timi zirhtu saya ih dungthluntu si dingah hril an si. Hrilmi pawl cun an saya fehnak kip ah thlun in a eimi an ei ih amah bang dingin an nunnak in an zir. Rabbi thlun ding tling lo pawl cu lettama, tuukhal le ngakaitu tivek pumcawmnak hna dang an ttuan.

   

Simon, Andrew, James le John pawl cu rabbi thluntu si dingah an tling lo  ruangah ngakai hna an ttuan.  An khua rabbi pawl ih hnon cia mi pawl Jesuh ih a hawl hngai hi cu mangbangza a si. A tthabik le a fimbik pawl hawl loin Jesuh in, “I thlun aw” tiah mi menmen a simi ngakaitu pawl a sawm hngai. Rabbi lakih a saangbik Rabbi ih thluntu an si ding cu ziangtluk upatnak an co?

   

Jesuh in nang le kei khal cuvek upatnak in pek. Kan tthatbik le fimbik ruangah a si lo. Amah ai ah mi run dingin mi menmen pawl kha amah bang dingin tuah a duh ruangah a si. Na nunnak ah a duhduh tuah dingin thlun aw.

 

Jesuh thluntu kan si bangin,

Thinlung takin Amah duhtu kan si;

Mi menmen kan si ko nain,

A dang teih retmi kan si.

 

Hnonmi le mi menmen pawl khal Jesuh dungthluntu an cang thei.

 

(Visited 21 times, 1 visits today)

Comments

comments

Comments

%d bloggers like this: