Misualral Pa

April 3
Tlawngkai Nihnih

Misualral Pa

Mibumtu tamzet leilung tlun ah an thleng zo, Jesuh Khrih cu minung in a ra lo a si, a titu pawl an si! Cubangtuk minung pawl cu mibumtu an si ih Khrih ih Ral an si.
– 2 John 7

Bible Siar Ding: 1 John 2

Sudney ka thlenlai ah in simmi cu, “Ziang na tuah khal le hih hmun, mi pakhat a ralai dingmi hrangih an sakmi hi na hmu ding” ti a si.

Theosophy, timi misuak reincarnation theory parah hrambun ih an phuahcopmi mi thar ti thupom phunkhat a si. Theosophy ti cu mi thar pakhat a ra ding timi a si. Himi ih thuhrampi cu siarralnak a si. Pathian a um lo ti zumtu pa ih thupolmi a si.

Misualral Pa cu a ra dingih thil tampi a tuah ding. Khrih lem tampi an suak dingih Misualral Pa cu a suak zo timi an langter ding, asinan an siatral thluh ding.

Himi zumtu pawl cun mi pakhat neih an duh. Mi pakhatkhat a ra ding ti an thei. Kannih Christian pawl cun kan hranga zo si a ra ding ti fiang te’n kan thei. Annih cun an thei lo. Bible in raalrinnak in pek: “Profet deu pawl khi ralring uh; an lenglam cun tuu bangin nan lakah an tlang; asinain an sunglam cu cinghnia hraang vek an si” (Matt. 7:15).

Misualral Pa cun ziangmi thu si a sim ringring? Cuih Misualral Pa in a simmi cu hell a um lo ti a si ih Jehovah Witness ih tlang-aupimi vek a si ngelcel. Christian Science pawl in ziangmi si an tlang-aupi? Hell a um lo, Satan a um lo timi a si. Cupawl cun Misualral Pa cu ziangvek a si ti an thei lo nain a ratnak dingah an tim an tuah ve rero.

Himi vek hi kan Bawipa a rat zik tikah a cang dingmi a si ti kan thei. Bible in fiang te’n in sim. “Zohman in lo bum hlah hngai seh. Ziangahtile netabik Ralthawhnak a thlen hlan le Hell ih tla dingmi Misualral Pa a ra thlen hlan ahcun Bawipa ih Ni cu a thleng lo ding” (2 Thess 2:3). Curuangah zumtu unau, Misualral Pa hrangah temple sak an thok ti na theih asile Bawipa ih rat ding Ni a nai zo a si ti thei aw.

Misualral Pa a rat tikah hmun tinkim ah an au ding. Amah a rat tikah zo pawl in an hmu ngah lo ding? Pathian a ttihzahtu mi thianghlim pawl le Bawipa hrangah a dang te’n thianghlim teih a nungtu pawl cun an tong lo ding. Ziangruangah saw an ton lo ding? Ziangahtile annih cu cuih hmun ah an um nawn lo ding ruangah!

Na sungih nungtu Pathian huham in na vision a lo fiangfaiter ding.

@ Smith Wigglesworth

(Visited 17 times, 1 visits today)

Comments

comments

Comments

%d bloggers like this: