Misual That Tambik Ram Cu China A Si Ziar Mai

Leitlun ih misual hremthahnak hi 2016 ah zatek 37% tluk in leitlun pumhuap in a tla niam. Cu mi lak ih mi sual pawl thihnak daan orhter tambik cu China an si tiin Amnesty International pawl cun an tarlang.

China hin mi ziangzat cekci a that ti lawng te hi cu theih har zet a si theu. Ziang ruangah tile hi tiih daan a pek mi cu ramkulh thuthup tiin a ret mi asi ruangah a si. Cucingin Amnesty International pawl ih an hminsin dan ahcun kumtin mi 1000 tluk an thah ringring ding tiah zum a si.

2016 ah China telloin ram dang mi pawl kom zate ih thihnak ding daan an pek mi hi 1032 a si tiin Amnesty pawl in an hminsin. Himi lak ah mi 856 pawl hi Middle East le North Africa ram ah an si.

Mi 856 pawl thihnak daan an pek lak ihsin Iran in amalbik ah mi 567, Saudi Arabia in 154, Egypt in mi 22 pawl an si. US rampi hi leitlun ih misual thihnak daan pe malbik ram panga lak ah a tel.#

Comments

comments

Comments

%d bloggers like this: