Missionary Si Dingih Tlinnak

MISSIONARY SI DINGIH TLINNAK

(Qualifications for missionary)

                                                                                 Timothy Sui Lian Mang

Missionary si dingih tlinnak ah nun ngaingai, ziaza hi a thupi zet. Tangdawrnak, thinsaunak, tuarfainak pawl hi kan thinlung uktu, kan ziaza uktu an si ih, an thupi tuk. Vei khat cu mission organization pakhat in missionary dingih diltu pauhpauh an ziaza cekfelnak phundang zet neih an tum. Missionary dingih diltu pakhat cu interview dingah Mission Secretary hnenah an tiam vekin zing nazi 3:00 a.m ah khawsik zet laiah mission office a thleng. Zing nazi 3:00 a.m ah Mission office tleng dingih an cah mi vek cikci in a thleng ko nan, interview tuahtu ding zo hman an thleng lo, an thlen hlanlo a hngak cuahco hai. Zing nazi 8:00 a.m lawngah interview tuahtu ding cu a thleng. Interview tuahtu cun, “BAKER” ti spelling hun ngan hnik aw,” tiah a ti. Cule missionary dingih diltu pa cun “BAKER” tiah a ngan. “A tha, na titha e. Atu ka lo sut hrih ding, ‘Pahnih le pahnih kawm, ziangzat a suak,’ tiah a sut. Cule anih in, “Pali” tiah a ti. “Na titha tuk,” tiah interview tuahtu pa cun a ti. Missionary dingah hril na si ding, mission council hnenah ka lo recommend ding, interview na awng tiah interview tuahtu pa cun a ti.

Mission Council an to tikah Mission Secretary pa cun cui missionary diltu pai thu cu hi tin a si, “Missionary si dingih tlinnak hmuahhmuah hi pa hin a nei. A neihzia ka lo sim ding: A hmaisabikah, mah le mah elawknak a nei thei maw ti ka cekfel. Khawsik lakah zing nazi 3:00 a.m ah office thleng dingin ka ti ih, a ihkhun hlum te tanta in a thleng taktak. A pahnihnakah, can dikten a hmang maw ti ka cekfel lala ih, nazi 3:00 a.m khelh rori in a thleng. A pathumnakah, thinsaunak a nei maw ti ka cekfel leh ih, nazi pali rori phunzai loten i hngak cuahco. A palitnakah a thin a tawi maw tawi lo ti ka cekfek leh ih, phunzai lo le mithmaisia lo rori in in hngak. Na va tlai ve, ka lo hngahnak a rei tuk zo ti khalin i ti lo lawlaw. Tangdawr nun a nei maw nei lo ti cekfelnakah, nauhak thusuhnak ka sut ih, lung thiang ten i sang thluh. A thin a heng lo lawlaw. Hi pa hin missionary si dingih tlinnak hmuahhmuah a nei theh a si, curuangah pawm tlak a si tiah council pawl cu a si hai ti a si.

Kan nun a pitling maw pi tling lo ti ceknak hi nitin kan nundan hi  a si.

(Visited 71 times, 1 visits today)

Comments

comments

Comments

%d bloggers like this: