Mission Hnatuan ih Nun Liam Cu Ngaisan A Um Bik Lo Maw?

11813300_10207216638873352_4769823978426152485_n-Uk Lian

Mai Eete hi a missionary hnatuannak ah tidai in a fen hlo timi thu theih cu, a duhdawttu le a hlasak rak ngai ngahtupawl hrang ahcun zum harsa kan ti cio ding ka zum. A hlasak mi pathum pawl a thar te’n ka ngai sal ih ka palh lo, amah hi “Zion Ralkap” hlasaktupawl lakih ka duhbikmi cu a rak si.

A hlasak mi pathum lakih pakhat hin Mai Eete ih veibikmi a rak sim cia in ka thei. Cucu “Van Nun ih Leng Ka Si” timi hi a si in ka thei. Himi hla hin, Mai Eete ih nun thuthup le veibikmi a pholang ngah in ka thei. Pathian hnatuan hi a nauhak te lai ihsin tui a thih ni-caan tiang ih a duhbik mi a si ih, harsatnak le zohtleunak pawl tla tan in kei cu “Van Nun ih Leng Ka Si” ti’n a rak sim cia zo.

Sunday school a rak kai theh ih, thutheihnak-lam khalah pakhatnak a rak ngah dah. A upat hnu khalah zaithla thawn Pathian hnatuantu a si ih a diriam tawk lo tikah nuamnak le ziangkim tan in mission hnatuan in a pasal innsang thawn khawte ah tui a thih tiang an um. William Carey, Hudson Taylor le Adoniram Judson te cu mipa an si. Asinan, Mai Eete cu Mother Teresa hluan in Pathian a riannak hmun rori ah a nun a liam ve ta!

Mai Ete thuhla ka ruah tikah Jesuh nu Marry nun daan ka thinlung sungah a suak thar sal ringring. Marry cu Pathian ih sal ka si timi thinlung arak nei ringring. Santhuan thu ih cang dah lo mi Marry parah a thleng ding ti’n Bawipai’h Vancungmi in a sim tikah Marry cun theithiam thei lo hmansehla “Kei cu Bawipa ih sal ka si” (Luke 1:38) tiin a parih thilthleng ding mi a cohlang thei a si. Mai Ete hi Pathian ih sal ngaingai pakhat cu a si.

Pathian hrang ih nunnak liamtu cu Pathian hrang ih pekawknak sangbik asi. A laksawng ding cu asang in dawt um zet a si. Hivekih nunnak tiang liam ih Pathian riantu cu lei hnuai ih sunlawihtlakbik le ngaisan um bik a si. A rualpi unau sungkhat le a theitupawl hmuahhmuah ih sunlawih le ngaisan a phu ve hrimhrim a si. Kan lei hringnun dinhmun in cu a niambik dinhmun a thleng ko nan, kumkhua hmaingal zetih van-inn nuam ih cawl hahdamtu ding cu a si.

Nu Raltha Mai Ete Mangtha! 

A phunphun in an lo mawhphurh menthei

Vanduai le malmaak thu tla an lo ti menthei

Ralrinlo tawk lo tla an lo puh menthei

Pathian hnen ih na feh ni cu zo in a kham thei ding!

Pathian hnatuannak ih na bung laifang

Na hnatuan atul tuk lai timi tla a thei

Ziangkim thei thluhtu ih thuthup cu na rak thei kim lo

Tu cu seherh na um nawn lo, Amah hnen na thleng zo

Khawdai in, tivakap vunnel lak vekah na caambaang men lo

Kanmah cu kan lo ngai ih kan lo hawl ciamco lawk

UMangte hnen ih na ngol theu kha

Tu tla na ngol ih na ra kirsal ding vek in kan um

Nang cu dawt na um ce

Marry le Mother Teresa dung na thlun thei

Na suilukhum tla in hmuh ve aw

Nu raltha kan lo nei!

Na boral men lo sokhaw, Raltha aw!

Kan lo uar tuk! 
A cem tiang na rinum!
Na rianmi Bawipa, Pathian in ziangpawl a lo pe!

Comments

comments

3 Comments

  1. Apoi tuk aw , a aw ngai khawp um hrih lo nan si , ziang ti tha pa thian rem ruah sisi.

  2. Ka lo tuar pi ve , sung kua pawl

  3. A hla pawl nan ret thei pei maw youtube ah ka lungawi vio ding.

Comments

%d bloggers like this: