Miss Myanmar Finalist Mai Van Sui Par Buddhist Asi Maw?

Van Sui Par
David Nun Tho
Dear all,

A tlun ih Miss Myanmar Finalists sung ih telmi kan farnu Van Sui Par @ Tin Sandar Myo thu ah tulai Chin mipi in kan buaipi zet in a lang. Mai Van Sui Par kum-23 hi U Myo Min (Shan Taluk) le Pi Ngun Caan (Hakha+Falam) te in fanu a si ih kan dung nai ih Model zuam awk nak khal Kawlram level in pahnih nak ngahtu khal a si.

Tuitum ih Miss Myanmar zuamnak ih a tel lala ih top-20 finalist sung ah a tel ban zo ih tu ah vote an lak rero lai fang asi ih Vote No.16 (Tin Sandar Myo) cu Chin mi zozo khal in Online ihsin vote kan pek cio ko in ka thei.
Sui Par

Ahnuai ih zuk nan hmu vek in Mai Sui Par hi Buddhist sakhua biakmi or zumi a si maw timi thusuhnak a suah ter? Ka theihtawk in a unau pawl hnen ihsin ka zingzoi tikah tutiang ahcun Buddhist a si ticu an thei lo thu le amah Van Sui Par hi biakinn mino cangvai nak le hla hruaitu pakhat a si thu thei a si.

Cuti asile ziangah Shwedagon Pagoda ah a feh ih milem tiidai a tawih ih midang pawl vek in a milem a biak tiah thusuhnak a um? Finalist zaten feh thluh a si tikah a hrang ah feh lo in ngah lo dinhmun ah tla a si thei, ziangah tile ramdang ih politicians pawl tla kawlram an va tlawng cun an zum lo hman ah ram hnih rualrem nak tiin upat pek nak ah Shwedagon Pagoda tivek an feh theu cu kan thei cio ko ding. Kawl milem zuk tii tawih kan hmu tik ah milem hmai ah Mai Van Sui Par @ Tin Sandar Myo a lu a kun cih ah kan ruat ko ding.

A hnui ih video hi Miss Myanmar Finalist pawl Shwedagon Pagoda a feh lai mi a si ih thaten zoh uh la Mai Van Sui Par midang pawl vek in a um ko nan Milem hmai ah a lu a kun lo mi thaten nan hmu thei ding. Midang pawl thucah tawi an nei lai ah anih a nei ve lo mi zoh in mipi pawl in kan ruahnak mal lai in hliakhlai pi thei ding tiah zumnak ka nei.

Bulpak keimah ih ruahnak in cun Mai Van Sui Par ih Buddhist zumtu a si tiin zuk pakhat te zoh in cu ka pom cih thei lo, a tel nak career ruangah lo theih lo dinhmun a si ruangah a tuah a ti tin ka hmu. Cule Video kha thaten zoh uhla milem hmai ah a lu a kun lo mi nan hmu thei ding. Netabik ah Buddhist a va si hman ah kan farnu thotho a si ih a mah hrang ah thlacam sawm uh si. Vote pek hrih lo pawl tla Vote.16 kha Online ihsin Vote rak pek cio uh tiah bulpak in ka lo sawm duh.

Mai Van Sui Par @ Tin Sandar Myo hmang in a tel nak hmun industry ah Pathian hmin sunglawitertu si hram seh tiah duhsak tumpi ka hlan.

Youtube Link : Shwedogon An Fehlai

http://youtu.be/TId8oQ44yX0
Van Sui

(Visited 1,109 times, 1 visits today)

Comments

comments

Comments

%d bloggers like this: