Miss The Hakha Post 2017 Hi Hakha Le Falam Buainak Asilo

Editorial…..

Miss The Hakha Post 2017 Hi Hakha Le Falam Buainak Asilo
++++++++++++++
Miss The Hakha Post 2017 ruangih online titi tamzet suak mi lakah phunhnam ṭan luarnak ruangih ṭongkam mawilo zikzik suak mi tla hmuh ding a tam zet. Himi thuhla dik hlailangnak hi Falam le Hakha karlak ih buainak a silo.

Chin lengdawh pawlih diknak, canvo pawl palzut ih a um vivo lonak ding hrang ahle mipi hrangih zaanghlei cawi ih hnaṭuantu ti menih duhduh daan ih ṭuan vivo lo ding duh sannak thawn, Thuthang le Medi ṭuantu pawl in a dik mi thuhla tarlangnak a um peh vivo theinak ding hrang le mipi pawl ih diknak le sinak covo pawl mah le mah karlak khal ih nekcepawknak a umlo nak ding hrang ih kan tarlang mi a si.

A tawlreltu The Hakha Post Media le Chinland Today Media khal tuni tiangah bulpak in huatawknak pakhat hman a um lo a si.

A zuamtu pengtin ih lengdawh pawl khal Chin lengdawh an siih kan suang in kan hmaihngal pi fawn a si.

‘Falam ih zuamtu in a ngahlo ruangah a buai’ tiih Hrinhnam lak uarnak le hmuhsuamnak awkam le comment pawl hi a diklo mi a siih thu diklo mi zumhmang relnak menmen a si.

Hi thu hi Falam in a ngahlo ruangih tuah hleice mi a silo, kan Chin Lengdawh pawl Online hmaiah an mawinak pholang asi hnu le zatlang theih ih thehlar an simi ah an diknak, an sinak ngaingai, an canvo pawl dikzet ih an ngah thei ding hi tumtah bik mi a si sawn.

Tawlreltu The Hakha Post Media pawl khalin hmailam caan ih anralrinnak ah si vivo hram seh. Hmailam caan ih tuah a si tik khalah dikdawh zet leh rikhiah mi sung ah felfai zetih an tuah theinak ding khalin mipi pawl in thazaang kan pek ding a thupi zet a si.

The Hakha Post Media pawl khalin Online ih a diklo mi parah an diklonak/dinak pawl huatawknak le bulpak tihrimnak lam umlo ten mipi hnen ah simfiangnak nei thei ding hi saduhthah zet a si.

A netnak ah Miss The Hakha Post 2017 hi phunhnam thleidannak suahtertu silo dingin hmailam caan ah zuam vivo hramseh ti khal duhsaknak kan hlan duh a si. Falam le Hakha, peng dang pawl dokalh hrimnak ruang ih thuhla ngan mi a si hrimhrim lo a si.

(Visited 54 times, 1 visits today)

Comments

comments

Comments

%d bloggers like this: