Miss The Hakha Post 2017 An Diklonak A Lang Sinsin 

Miss The Hakha Post 2017 diklo zet ih pakhatnak, pahnihnak pawl mark an pek mi thu ah mipi hnenih simfiangnak lam siloin bulpak parih phubalaknak lamin an fehpi. An sualtuah mi thup an tumnak lamah an hriltlindan ih a diklonak a lang sinsin.

Miss The Hakha Post 2017 ih telthei cin ding timi mipi hmaiih an than mi cu a sanlan pi 5’- 4” ih sangmi a si ding ti a si. A zuamtu mi 8 lak ihsi mi 2; Genevieve Van Iang Mawi le Zin Mar Moe pawl hi pi 5’ -3” veve lawng an si.

Chinland Today Media ih a ngan mi thu ah Cung Cer Cin cu pehtlaiin Chinland Today Media ih thuthang a ngan mi thu ah Chinland Today Media cu sualpuh ding hawlin, Chinland Today hotu Salai Van Bawi Lian sawn riangri an soisel.

Cui hleiah an Facebook Page ah ‘miphun thleidannak naazet ih a latu’ tiin a puh ih, ‘Chinland Today Facebook page ah dik lo zetin in mualphoh’ tiin an ti hrih bet.

Asinan CT Media ih an diklonak tiih an phorhlang mi; LIKE peknak thu ih an Mark pek dan thu ahcun relfiang thei mi le simfiang thei mi zianghman tuhrih tiang an nei lo.

Miss The Hakha Post 2017 Ih Diklonak Pawl
++++++++++++++++++++++++++++++++++
1. A teltu ruang saanlam tahnak an rikhih miih kimlo mi rori an tel ter.
2. Mark pek danding an timi vekin an pe lo.
3. LIKE petu an siar dan a dik lo.
4. Duhsak hleice neiin zuk tamle mal an tarsak mi a um.
5. Zuk tinih an tarmi ihsin LIKE an siarsak nan tluktlangten zuk bangawk in an siarsak lo.
6. Pakhatnak le pahnihnak hnakin pathumnak nu in LIKE a ngahtam sawntiin thuphan an phuah.

(Visited 55 times, 2 visits today)

Comments

comments

Comments

%d bloggers like this: