Miss The Hakha Post 2017 Dik Lo Zet In Hril 

Miss The Hakha Post 2017 online ihsi mipi vote peknak ih an hrilmi cu tuini ah an tlangthan ih Pakhatnak ah Hakha ihsi zuamtu Genevieve Van Iang Mawi in pakhatnak le Falam ihsi zuamtu Cung Cer Cin in pahnihnak le Matupi ihsi zuamtu Shwe Hle Sung in pathumnak pawl an ngah. Pakhatnak ih an pek mi in Online ih Vote a ngah mi hnakin pahnih ngahtu ih VOTE hi thawngkhat zik in a tan aw.

The Hakha Post cun online ihsi mipi ih vote an pek mi pawl cu zohfeltu mi 4 pawl le a lenglam ihsi mi pahnih pawl hmangin an hril tiah zatlang mipi hmaiah an tarlang.

Vote peknak ding tiih an tinak hmun cun The Hakhat Post Facebook Page siin an mai zukzawn ih vote peknak a si.

Miss The Hakha Post 2017 ngahtu Genevieve Van Iang Mawi (Hakha) vote an pek dan ahcun a zaten vote a ngah mi hi 8445 siin, Share 1092, Comment 1246, Like 5841 le Messenger, Viber tivek ih a ngah mi pawl tla kom cihin an pek mi a si. Pahnihnak ngahtu Cung Cer Cin in zate kom ah 8409 ngahin, Shares 1040, Like 1305, Comment 5670 tiin an pe.

Ziangvek in Vote a netnak an siar khal a sile Like le share tuahnak ah Cinkuk in a thawng tamzet in a thlau mi a si.

Cin Kuk in Share 1049 Like 3.5K a ngah ih pakhatnak ih an pek mi Mawi Mawi in Share 1028 Like 2.8K lawn a ngah. Winner hnakin Cinkuk ih Like a ngah mi hi a thawng in a tam sawn nan mark an peknak ahcun Mawi Mawi in a neh.

‘Hivek in diklo zet in mipi hmaiih ka ngah tambik mi rori ka ngah lo mi cu in hmuhsuam rori mi a si. A si dan vek ih ka ngahlo mi a si ahcun ka diriam ko. Pakhatnak ngahtu khal ka lungawipi zet ko. Asinan a diklo ih an tuah mi cu nautakawknak a si’ tiin Cin Kuk cun Chinland Today Media hnenah a sim. ‘Thleidanawknak a si ruangah ka ngaidam ding le dinglo cu ka theilo’ titla in CT Media in kan pehtlaihnak ahcun a sim.

Zuk: The Hakha Post Page

(Visited 45 times, 1 visits today)

Comments

comments

Comments

%d bloggers like this: