Miss Chin Community Australia Miza Lian Mawi In Ngah

12107985_996217290398829_3226900387834828862_n

Mai Miza Lian Mawi

Chin New Year 2015, Australia, Adelaide khawpi ah October 2-4 tiang Australia hmun tin ih um Chin mi pawl cun nuamzet in Lai nunphung, lehnak, mimawi zuamnak pawl thawn caan an hmang.

Miss Chin Community Australia -2015 hrilnak khal an neiih Mai Miza Lian Mawi in a ngah. Adelaide, Brisbane, Melbourne ih Chin nu lengdawh mi 8 lenglo in zuamawknak an nei. Tui km hi Miss Chin Community Australia – 2015 hi a veikhatnak hrang an tuah mi a si.

Hi zuamawknak hi, Chin lengdawh pawl leitlun nu lengdawh lakah kan duai celo, mi cungcuang kan siih, Chin mi sinak kan zahpilo tiih kan langter duhnak a si tiah tawlreltu cun a sim.

Hi zuamawknak ah Adelaide ihsin Lendawh 3, Melbounre ihsin 3, Brisane ihsin 2 pawl an tel. An taksak pian mawinak lam an zoh ih, thusuhnak le mipi hmaiih pholang awknak pawl thawn zohfel an si.

Mai Miza Lian Mawi, kum 19 hi Chin Community Victoria Inc. aiawh ih teltu a si. Pu Thawng Bil Lian le Pi Mawi Sung tei fanau paruk lak ih fanu nautabik sangtu a si.

Zuamawknak ih pathumnak cu Mai Christina le Pahnihnak cu Mai Zo Par Iang pawl in an ngah.#

Comments

comments

Comments

%d bloggers like this: