Miss Burma 2012 Zuamawknak Yangon Ah Nei Ding

Xinhua, Mizzima | Febuary 8

Fala mawi zuamawknak ‘Miss Burma’ cu Kawlram khawipi pakhat asimi, Yangon ah neih a si ding thu Xinhua thuthangca in a tarlang.

Kawlram cu a phunphun in a remtha aw vivo vek in ramsung khalah tourist an tam vivo ih tourist industry lam thuneitu le  pawl cun hmailam canah Kawlram sung ah tourist tam sinsin ih a hip thuheinak ding hrang hnatuantu ding an hawl rero ih hi hna tuantu ding pawl hrilnak ding ah ‘Miss Burma’ timi fala mawi zuammawknak cu ‘the Myanmar Travel Board (MTB)’ pawl ih hohanak thawn March thla 15 ah Kawlram khawpi pakhat a simi Yangon ih neih a si ding thu thuthangca in a tarlang.

Hi zuamawknak ah hlasak thiam, lam thiam le capoh tuah thiam pawl khal hril an si ding ih a teltu ding pawl cu kum 18 ihsin kum 15 lak lawng an si a tul ding a si. Cuhleiah zuawmawknak ih teltu ding pawl cu talent nei mi, tourism lam thu theitu le Mirang tawng tulhai tal thiam pawl an si tengteng a tul bet.

Hi zuawmawknak ih an hrilmi pawl cu ‘tourism ambassador’ hna pek an si ding ih ram dangdang ih khualtlawnnak ah siseh pursumleilawnnak lam khalah a tul dan vek ih hman an si din a si.

Lailak-hrilawknak an neih dingmi ah Suu Kyi cun mipi fuankhawmtu hnenah an party vote pe ding in a cah ih mipi hrangah theitawk ih tuanvo an lak ding thu khal a rel bet.

(Visited 36 times, 1 visits today)

Comments

comments

Comments

%d bloggers like this: