Mipi Mawh Hnakin Hruaitu Pawl Mawh A Tam Deuh!

Falam tlangtluan mi pawl tlukih hruaitu nei tha Chinmi lakah kan um lo ding. Kan hruaitu le upa rinsanmi pawl cun kan hlan ah thil tamzet an rak hmuhsuak, an rak tuahsuak zo. Tui, santhar cin ihsin kan hruaitu pawl ih sambaunak pholang le kepheh daan kan thiam ciamco.

Curuangah mipi sawn hin hruaitu thapek le zawnlungzet in an dung thlun kan thiam lo maw, kan hruaitu pawl sawn riangri in lamzin dikah in hruai thei ngaingai lo sawn timi cu ruahtlak tuk mi a si.

Hruaitu cun a hruai dingmi pawl a thei dingih a hruai daan ding khal a thei hrimhrim ding lawng siloin a hruai thei tengteng ding khal a si. Cucu, hruaitu ih mawhphurh a si. Siarcawklo leadership cabu kan siarih training hngilhcawk lo khawp in kan kai zo nan hruaitu le mipi sidaan ding kan palh ringring.

Mipi hin hruaitu pawl kepheh kan thiam, thulungnun nei in hruaitupawl dung kan thlun niahno duh lo si sawn loin hruaitupawl in in hruaisual ih rintlakloin an cangvaih theu sawn ruangah a si. Cun, hruaitu pakhat mipi auaw le sawiselnak ruangih hnatuan cawlhsan hruaitu cu sihte hman a hruai thei ding lo.

Mipi hin kan hruaitupawl thatzetzet khal kan sawisel theu, himi zawn ahcun mipipawl anmawhzet ding. Baibal sung Moses san ihsi thil rak um zo mi a si. Asinan, kan Chin mi (Laimi) tlukih hruaitu ngol hmang le khermei ka hmu dah lo. Kan hruaitupawl hi hruaitu tha le raltha kan ti thei ngaingai ding maw?

Ahleice in mipi auaw ngai thupi tuk hruaitu! A tumtahmi pawl hman hlensuakpi ngam nawn lo khawp ih sawiselnak ngaithupi hruaitu. Cumi rualrual mipi in kan lungkhoh nun kan thleng dingih zawnlung nun neih kan zuam a tul. Hruaitupawl khal in mihruai theinak thiamnak le thiltitheinak an nei hrimhrim ding a si.

Comments

comments

One Comment

  1. Si ro ri mipi pawl kantlaksamnak zawn tla tampi a um ko ding…Kei kasim duh mi cu Hruaitu pawl hi maihzawn lawng ruat lo in mi pi ttul nak ngaingai zohthiam ih kanhrang thatnak ngaingai ruatsaktu le pum a pe aw tu hruaitutha tu ah kan ttul…

Comments

%d bloggers like this: