Mipi In An Lo Duh Sinsin Theinak Dingah Na Tuah Dan Ding Lamzin 10

café de Girl

– Uk Lian

1.Thu Suut Aw

Midang ih duh le kom nuam mi si ding ahcun thusuhnak tuah thiam a tul. Thusutnak tha tuah thiam cu duhconak a si. Titi a ti nuam. Thurel ding tam deuh a suahpi thei. Zo khalin kan theihsun mi te midang sim sawng kan duh theu ruangah midang thusuh daan kan thiam asile midang na tong ter tinak asi.

 2. Tong tam aw, Tong mal tuk hlah

Tui ka rualpa pakhat hi milian, sumdawng thiam zet asi, a hlawhtlinnak le mipi ih an duh zetnak pakhat ih ka hmuhmi cu a tong tam, tong tam ti tikah tampi tong zelzel a si lo, tong ding a thei ih biak nuam dingin a um thiam ka ti nak sawn. Tong mal tuk cu a rak tha lo. Curuangah midangih duh co ding cun tong tam deuh tla a rak tul.

3. Caan Pek Thiam

Na hrang ih caan pe theitu bik, na thil tuahnaknak a lo bawm ringring tu cu na duhbikmi a si theu ko ding ah ka zum. Mah hrang lawng ruat lo in midang bom le caan pek thiam hi a tul. Mahte room ih kharhkhum awk men le phone tok rero men loin, midang biak le caan pek thiam hi mi’h dunak a si ve.

4. Midang tong ngai Sak Thiam 

Asi, tong tam tla a sual lo, asinan tong tam tuk luan pawl cu zohman in kan duh lo. Cuvekin, midang ih tong cuh khal zohman in kan duh ve lo. Midang tong mi ngai sak hi midang ih ngainatnak pakhat a si. Biakawknak ih thabik cu tong siloin midang tongkam ngaisak hi a si ding ah ka zum lam.

5. Thinlung Takih Midang Zawnruahnak

Thinlung tak ih in duhdawttu le a pawnlang men ih duhdawttu cu kan thei cio. Thinlung takin, seherhnak thawn rualpipawl kom ih biak thiam hi duhconak thuthup pakhat a si. Aw asi, online san ah midang care thiam cu a thupi sinsin.

6. Zianghman Na Thei Ngaingai Lo

Thiambik theibik si cuh hlah, minung in thu kan suh duhmi cu thei ngaingai pawl a si. Thei vekih um si ih thei ngaingai lo pawl kan sut dah lo vekin, kan theih lo mi ah thei vekih um ding asilo. Kan theih lo nak ah zahpi aw lo in kan theih lo nak kan sim thei a tha.

7. Hnih Uar Bik Aw

Mawi lo tukih hni ringring ka tinak a si lo. Mawi tawkfang ih hnih cu kan duh ahcun kan thiam cio ko. Zohman ih capoh thiam cu kan hua ngaingai thei dah lo pi. Silo maw? Curuangah capoh hi na uar thiam le a tha, midang in an lo kom duh sinsinnak a si thei. Curuangah hni aw, capoh sai aw, cucu nuamnak a siih midang ih duh co nak khal a si thotho fawn.

8. Ti-aw Ter Hlah 

Zohman in ti aw ter kan duh lo. Zo cio khalin kan mai thuhla rel kan duh cio nan, kan thuhla kan rel tikah tampin kan rel lo le a tha. Kan sinak hi midang in an theih cakbik mi a si kherkher lo thei. Midang in kan thuhla in suh lo mi parah kanmah te kan thuhla midang va sim ding kan si lo. Sim zo bangin an ngai duh bikmi a si lo thei.

9. Manhlap Mi Si Hlah 

Manhlap heelheel vekih ih um ding asilo. Kan manhlap zet hman ah dai le nuam te ih um daan thiam a tha. Midang tong hngak thluh ta ding cule nuam ten tong ding. Cun, midang an tong lai rak nor. Cun, veivah caan khalih manhlap zual vekih um ding asilo. Midang ih duh kan duh asile manhlap le luan tukih thil tuah lo kan thiam a tul.

10. Na Tlamtlinlonak Theithiam Aw

Ziangtik hmanah na thiamlo mi le na tlamtlinlonak na rel tikah an lo nautat dah lo ding. Mifelbik bangih relaw pawl so khaw kan huat bik theu! Midang ih duh ding silo maw na duh, midang ih duh na duh ruangah himi ca khal a cem tiang na siar hi! Curuangah midang ih duh le kom nuam si na duh asile nangmah le namgah kha fiangten thei aw ve aw.

John Brandon ih nganmi 10 Simple ways to make people like you more timi sirhsan ih ngami a si.

(Visited 1,453 times, 1 visits today)

Comments

comments

Comments

%d bloggers like this: