Miphun Hmaihngalnak

November 19

Tlawngkai Ninga

Miphun Hmaihngalnak

Siar:

1 Peter 2:9-17

Nannih cu hril cia miphun, miphun thianghlim, Pathian ih miphun bulce nan si. Khawthim sung ihsin mangbangza tleunak sungih a lo kotu Pathian ih khuaruahhar thil a tuahmi pawl tlang-aupi dingih hrilmi nan si. 1 Peter 2:9

Kumkhat Sung Baibal:

–   Ezekiel 11-13

–   Jeim 1

Ka nupi Martie le kei cu England ram – thuanthu, nunphung le minung pawl kan duhdawt vingvo. Tlangpar hramhring umnak khuahlan hmun ih laam le hlasak puai zoh cu kan duhbikmi pakhat a si. The Last Night Of The Proms timi cu an hmuhmi lakah a tthabik. Meisa pangpar an thlah ih mi tampi in thantaar fate an zaap ih ram le miphun duhdawtnak thinlung a thoterzet.

Tthaal ih kan fale pawl kan hnen an ra tlawn tik khal ah cuih puai kan zohpi. British thantaar lungthozet ih kan zaap cu kan fale pawl an mangbangtuk ih, “Ziang nan tuah rero?!” “Nannih cu American nan sisi!” tiah awnmawi awthawm lakih in auhmi aw cu atu tiang ka hna thlam ah a thang ringring lai.

Pathian khal in zumtu a fale pawl kan kiangkap ih a ummi hmun-um minung pawl thawn kan kom awk caan ah hivek in a tuar ve ding ka zum. “Ziangah anmah vekin nan nung? Nannih cu ka miphun nan si!” tiah in ti ding.

Peter in miphun thianghlim kan si (2 Pet. 2:9) a ti. Mi thianghlim timi cu kan lamdang, Jesuh hrangah a dangte ih retmi, Amah bang ding le mi phunkip hnenah A nun kan neihmi langtertu ding kan si. A sullam cu sualralzet ih in zawmtaitu pawl parah ngaithiamnak, duhdawt lainatnak, dingfelnak, le kan thutiam pelh lo ding hi a si. Amah bang ding a ti duhmi a si.

“Jesuh ih miphun” kan si, thianhlimnak thantaar zaap uhsi!    – Joe Stowel

Pathian fa na si, na nun kilkhawi ttha aw,

Na thinlung baaltertu thil hmuahhmuah ihsin;

Na ruahnak baaltertu thil pawl tlansan aw,

Na Pa in a dangte ih um dingah a lo duh. – Fasick

Jesuh hnenih kan rin-umnak cu

kan nun ah hmuh thei le theih thei dingmi an si.

(Visited 32 times, 1 visits today)

Comments

comments

Comments

%d bloggers like this: