Mipa Fala Mawi Thawn An Biakawk tikah An Thinlung A Hlo

Mifimthiam pawlih an hmusuakmi pakhat lakih mak an tizetmi cu nunau mawi zet pawlin mipa pawl an biak tikah mipa pawl an ningzak theu timi hi a si. Mi tampi cun kan rak theicia ko ding nan himi hi a tak rori in an hmusuak a si.

Zingzawngtu pawlih an simnak ahcun fala mawi tak pawl in mipa pawl an biak tikah mipa pawl an ningzak ti men hman siloin an thinlung feh daan a dik theilo an aa theh ti tiang in an hmusuak. Mifim pawl le zingzawitu pawl ih sim vivo nak ahcun fala mawi zet duhnung takih ceiaw pawl in mipa zovek khal an biak tikah mipa pawl cun an rak tuar lo ti a si.

Mipa pawlin fala mawizet, duhnungtak an biak tikah an aa theh. Tongkam dang in kan sim asile an thei aw nawnlo theh. An thinharnak pawl khal a kiang theh thei ti tiang in zingzawitu pawl cun zumnak an nei.

Asinan mipa pawl in nunau pawl an biak vetikah mipa vekin an thinlung a buai ciamco loih thil dang ruat theilo khalin an umlo. Asi, nunau cun an thinlung hmun hnih laiah an feh ter thei.

Mipa cun thinlung pakhat/hmun khat vial ah an feh ter theu ih cunah hnaihnawk le tibuai khal an ol, asinan nunau pawl cu mi pakhat biak phah in thil dangdang tuah phah tivek in si maw, a phunphun in an thinlung an tuah thei.

Company Boss/hotu kut hnuai ih hnatuan mipa tamsawn um daan zingzawi a si tikah mipa nunau mawi be phah ih hna an tuan tikah an hnatuanmi lak tlak um lo in thil an tuah theu ti an hmusuak.Mipa zovek khalin fala mawizet awkam thlumte le an hmel mawizet cu zoh nuam le ngai nuam an ti cio ding tin zingzawngtu pawl cun an zumnak khal an tarlang tel bet.

(Visited 110 times, 1 visits today)

Comments

comments

4 Comments

  1. karual na ngan thiam nasa kei ka ruah ve dan,
    Mi pa pawl nunau mawite ih biak le thin lung a hlo ti mi hi mi nung kan bangaw lo cio dingtin ruah nak ka nei zo vek ih in biak khal le hi nu hi mi ziang vek a si ti hi ruat tel ringring dingah ka lo sawm .

  2. Zateek 90 hrawng cu a dik ka ti.

  3. kei cun ka zum lo kei cu fala in in biak len cu vek thei aw lo lawm mam cun ka um dah lo hehhehe a si nan fala ka rak neih lo si seh la cu ka ti theu ih rel duh nan cu ka zum thluh lo ti nak si cu vek lawmman in nu nau mawi ih biak men in ka thin lung hi i ti hnin thei lo in ka thei ka duh mi te ih tong ti lo hi cu.

  4. Nunau mawi in mipa thin lung buai ko in tuah thei ti cu ka zum rori. A mah lawng te, vei khat biak nak ih thinlung hlo theh tilawm mam cu, zingzawi tu pawl khal an luan deuh in ka thei. Nu nau in mipa thinlung ziangruang in ti buai tile, nunau mipatnak kan nei tam(kan ruat hlohli) theu ruang ah asi bik in ka thei.

Comments

%d bloggers like this: