Minung Netabik Pawl Kan Si Maw?

Kan suahhlan ah kum ziangmaw tizat a rak liam zo. Century (21-22) ah kan um.
Mi thiamsangpawl in 2000 hnu cun leitlun a thlengaw theh ding ti’n ?ong phunphun in an sim.
Mi tampi cun caan a cem ding titiang in an phuang. Asinan tutiang cu kan him hrih lai.
 
Asinan, tui kan dinhmun ahcun caan netabik ah kan um tisehla a lungkim tamzet kan um ding ka zum. Curuangah kannipawl hi minung netabik kan si ding a bang. Kan san hi “Last generation” taktak a si thei men. Kan san ?heh ah san tampi a um ding, a zumtu kan um lai maw…?
 
Kan kiangkap thawmvang global warming, climate change etc. pawl le doawknak phunzakippawl a thleng thok thlang. Zohman ih theihlomi caan neitabik a nai thlang. Dungthluntupawl hnen ih theithiamnak Jesuh ih a rak pekmi an kim rero thlang. Asinan caan tampi a um lai ding a bang.
 
Ziangasikhalle, minung netabik “last generation” cu kan si ko lo ding maw?
(Visited 47 times, 1 visits today)

Comments

comments

3 Comments

  1. Ziang kha lo len can ne ta lam cu kan naih vivo cu a si ko. Khua hlanpi can saupi liam cia zomi hnak cun ni tin in kan naih deuh deuh. San thar dang a um maw um lo ding cu a mah kan Pathian thu si se la, a thu ih kan hmuh mi Bible parih kan thumawk a thupi zet ding.

    Cu len, kan kiangkap thawmvang global warming, climate change le do awknak phun phun a thleng thawk thlang ruangah kan can hin cem lam a naih cu a si lo tin ka ruat. Leilung tlun thu thang mak tak tak le do awknak phun phun thleng lo khal sela kan can cu a tu hlanpi hnak cun cem lam cu a naih cia reng reng. Ni tin ten X’mas kan nai vivo vek hi a si ko lo maw???

    Leilung hi Pathian nih a sersiam thawk ihsin buainak le do awknak thu thang mak sak pi pi lawngte an si. Thu thlung hlun kan zauh a si len ziang tluk ih buainak hi leilungpiah a rak thleng Abraham, Nova, Samson le midang te te an san lai can kan zauh a si len tu lai hnakih thu maksak le buainakin a khat. David san laiih mi nung pawl zai hla cu ” Sole in a thawng thawng a that, David in a sing sing a that” ti kha tahthimnak tha bik khai san lai ah ziang tlukin an rak do aw ti kan hmu fiang thei ding.

    Kum sangbi 19 hi leilung tlun ih mi nung ei that tam bik tu kum a si ti se la a sual tuk lem lo men thei. World War I le World War II ah khan ralkap ting za khat leng lo thi ih zum an siih mipi ting thawng ih thi ih ruat a si. Hitler ih Juda mi phun lawng a that mi kha ting 6 (?) leng an si. Culawng si lovin, khai WW I le WW II ralpi ruangah a hnu kum 30 lenglo lei lung tlunah natnak phun phun kan tuar phah a si. Curuangah hi do awknak hi cu tu nai te ih ra suak a si lovi, leitlung tlun a cem zik ruangih ra um tla a si cuang lovi leilungpi ser siam thawk ihsin mi nung pawl hi tu ni tiang do awin kan buai rero sawn a si. Can cu a kim zik thlang khua a vang mai ding….

  2. David TK Thang says:

    Ruah ding cu tampi a um ding ka zum. ?himnak pakhat thawn sim sehla: Minung pawl ih nunnak caan cu buakthlak in Mipa 70, Minu 80 ti a si (ruahnak dang a phunphun tla a um). Asinan kan nung taktak maw timi cu, a milai ih zirh in a si lala. Cuih minung pawl nunnak caan cu pakhat ciar hrang dik thluh bang sehla, nauhak thi, mino thi um thei hrimhrim lo ding dawh cun, a thu umdan hi a si.

    Boruakpi (Universe), Ni sungkua (Solar System), le kan lei lung (Earth) hi ziangtik caan tiang a ?unghmun ding? ti cu ruahdan a phunphun an suah ciomi um ve. A si tla a si cio thei ve ding tin zumnak a um. Ziangahtile zingzoi hlathlainak tampi an tuah hnu lawng ah an phuangsuak.

    Biaknak lam thuruahnak in siseh, Science lam in siseh an ngan cio tik ah cun, thaizing, tipzing ih caan cem ding vekin ruah hi a si ?heu. Biaknak lam in caan a nai thlang timi cu kum 2000 leng au pi rero zomi a si. Science lam in tla leitlun a cem ding tin an titawk hi a um ?heu (?himnak: Y2K, etc.).

    Asinain tuni tiang ih a dikmi le thutak a simi hi; leilungpi hi a him lai ko (a dam nawn lo nan), leilungpi a cem ding a ti rerotu pawl sawn hi, an him nawn lo. Curuangah leilungpi ah a cem thei nawn lo dingah kan ruat pei ih kiangkap hrang ?hatnak kan tuah pei ih khat lam ah, thaizing rori ah leilungpi a cem dingah kan ruat pei ih ralring zet in nung tlang cio uh sih.

    Ruahnak dang nan siar duh a si le: http://www.whitehorsemedia.com
    ah ruahnak mak tara siar ding a um.

  3. A si rori. Biaknak lam in siseh, leitlun science lam in siseh, leilung a cem ding thu an simnak a rei tuk zo. Asinain tuini tiang a him ko. Amah belte a harhdam nawn lo.

    Ruahnak a phunphun um mi karlak ah thaisun rori ih leilung siat ding vekin ralring cio sehla, a ttha sung poh cu leilung tthatnak hrangah ttuan cio sehla ti hi David TK Thang ih simmi vekin ka lungkimpi lawlaw a si.

    Mi-aa si nawn loin mifim si kan cu zo. Cumi cu Pathian ih in pekmi fimnak a si.

Comments

%d bloggers like this: