Minaa

July 14
Zarhte Ni

Minaa

Bible Siar Ding: Saam 38:1-22

Maw Bawipa, I damter awla ka dam ngaingai ding; I ruun awla ka him taktak ding. Ka thangtthat mi cu Nangmah lawng na si.
– Jeremiah 17:14

Ka mawh tiih phuhrung awknak (guilt) cu thin nuam lo (bad feeling) hnakin a roh deuh. Cumi cun taksalam dam lonak: thiikai nat (hypertension), itthat thei lo natnak (insomnia), asilole hnaikhuarmi hma (ulcer) pawl a suahter thei. Thupizet cuangin, phuhrun awknak cun mai’ minungpi pawl le Pathian thawn pehtlaih awknak tiang hman a siatsuah thei.

David in a sualpalhnak ruangah a taksapum rori le a thinlung ih retheih le phurhrit a phurh zia a thei fiang nasa. Saam 38 kan siar tikah a sualmawhnak le a tuarnat zia pawl kan tuarpi thei. Donharnak in a thlarau phur a ritter, a hma pawl an besiatuk, ih a tha a cem thluh. Cucing cun fimkhurzet in a innsungsang hnenah bom a dil duh cuang lo. A ruahsanmi le a hngah ringringmi bomnak cu Bawipa lawng a si.

Tuni ah, Bawipa cu kan damnak ding hrangah a netabik ih kan panmi a si ttheu. Kan hma pawl cu hmatuamnak (bandage) in kan tuam, ih kan ruahsannak khal leitlun ih thilti daan in kan hawl. Mithapetu (Counselor) pawl in ka sualpalh ti ih phuhrun awknak (guilt) cu mawtaw sia retnak inn vekin hnon dingmi a si an ti. Rualpi pawl in nunnak cu thinhar loin nomter theinak thu kan nei ti’n an nemhnget. Zu le rii theimi siivai cun caan tawite sung natnak an rehter thei. Sihmanseh phuhrun awknak le a naami cu a hmun ringring.

Ziangtiklai caan khal ah Yahweh Rapha cu A hnenih kan kir saal ding in hngak ringring. Bawipa hnenih kan pan asile in naatertu phuhrun awknak kha a damter ding. Cumi tumtah in A Fapa Jesuh leitlun ih a run thlah duhsannak a si.

Yahweh Rapha lawnglawng in David a damter thei ih Amah cu tuni ah in damter theitu umsun a si.

Yahweh Rapha, keimah hi Na minaa ka si. Ka thlarau damlotertu thupte sual nathrik in thahsak hram aw.

Ziangmi sualnak si thup dingin ka zuam? Damter dingin Jahweh Rapha hnenah ziangti’n ka ap thei pei?

@ Ava Pennington

(Visited 27 times, 1 visits today)

Comments

comments

2 Comments

  1. Tuini na nganmi cu, tulaifangih ka tulsambikmi a siih, ka lungawi. Thazaang ka ngah ngaingai.

  2. Tuitumta cu keitla ka duhin ka uar hleice ih thazang ka ngahtuk. Ka nunih a rak tlaksam ve zetmi a si. Thazang ka ngahtuk…

Comments

%d bloggers like this: