Minaa Damternak Thlarau Laksawng

March 13
Tlawngkai Nihnih

Minaa Damternak Thlarau Laksawng

Thlarau in mi pakhat cu fimnak thawn thusim thiamnak a pek ih a dang pakhat cu cuih thlarau in theihnak thu simfiang theinak a pek. Cuih thlarau thotho in mi pakhat cu rinnak a pek ih midang pakhat cu minaa damter theinak a pek.
– 1 Korin 12:8-9

Bible Siar Ding: 1 Korin 12:1-14

Minaa damter theinak thlarau laksawng cu khuaruahhar mangbangza laksawng a si. Hih laksawng ka co theinak dingah Pathian ih thinlung le duhnak thawn mil aw dingin A hnenah ka pum ka pek awk a ttul. Harsatnak tuar theinak ih rah timi thluasuah na co lo ahcun hih minaa damter theinak thluasuah cu na hrangah co theih a si lo ding. Mi zokhal Pathian thawn a um tlang ih minaa damter theinak thlarau laksawng a nei duhtu cun harsatnak tuar theitu le minaa pawl thapek le hnemnak ttongkam sim theitu a si a ttul. Tuar theinak thazaang cu Jesuh Khrih in a umhnawhmi, a tthawn hlo theimi zaangfahnak a si. Amah cu zawnruahnak ih khat Pathian a si ih a ttulsamzetmi minaa pawl kan bom theilai hlan lo le cuih hmun kan thlenlai hlan lo in taansan lo ding.

Minaa damternak thlarau laksawng cu a phunphun a um ih theih theinak laksawng thawn an pehtlai aw ti na hmu ding. Culawng si loin “Kan hnenih Thlarau a um kha pakhatkhat in a lang ih cumi cu miseenpi tthathnemnak dingah” a si (1Korin 12:7).

Khensa (cancer) natnak cu ziangti hmanin na tuamhlawm damter thei lo ding, asinan a cangvaimi thlarau sia (evil) cun taksa ruangpum cu a siatsuah rero a si. Cumi cu satan ih hnattuannak ka theihmi tampi lakah a besiabikmi a si ding. Khawsia cun tthatnak zianghman a nei dah lo – khawsia ih nattermi a za te’n a sia thluh, a tum a te in, asinan himi vek natnak pawl hi na dawihlo dingmi an si. Khawsia na dawisuak tum tikah, kan raalrin dingmi cu zo in thu a pek timi hi a si. Minung cun hiti’n an sim men ding, “Ra suak aw,” ti’n. Asinan cuti ih a thupeknak cu Pathian ih Thlarau Thianghlim a si lo ahcun minung ttongkam cu ziang hman lo, alak men a si.

Na hrambunnak hmun na theih fiang a ttul; Na theih fiang dingmi thupizet pakhat cu na sungih a ummi cahnak huham cu na siatsuah tummi Satan ih huham hnakin a caksawn, a nasasawn timi a si. John cakuat a pakhatnak sungih dungthluntu Johan ih thusimmi hi nan dinhmun hramfek bunnak dingah hmang aw. “Nan sungih a ummi Thlarau cu khawvel mi pawl sungih thlarau hnakin a cak sawn.” (1 John 4:4).

Khawsia do le siatsuah dingih simthannak na neihmi cu tipalhnak a si lo.

@ Smith Wigglesworth

(Visited 29 times, 1 visits today)

Comments

comments

Comments

%d bloggers like this: