Milai Mizia Phun Tampi

Hre Mang

Laimi pawlin Milai mizia phundangdang parah hngat awin mi ziangvek asi ti simnak tongkam pawl: na theih mi rak ngan ve aw:

Milai mizia phun tampi:
1. Tlawk-ri-bak: San nei mumal lo, catbang loin mibur umkhawmnak kipah tlawk rero mi milai.

2. Tong-thei-sabawk-khai: zianghman thupi hlapi laktlak lo, tong ve meimei. Thu el hrat ve menmen. Thupi hlapi fumve, zingzoi fel theih lo, ka ihsin a suaksuak tong ve meimei mi.

3. Mi-hmuk-hmak: Khawruahnak za ah za kim lo, duhduh in nung khawsa, zoh mawi lo khal theithiam lo.

4. Mi-ngeo-feo: Midang thawn lungrual thei lo mi, ngawl hmang. Mahte a pirpak in um duh.

5. Hawi-zawng lo: Midang ruahdan thawn bang aw lo ringring, mi tamsawn tha timi pom thei lo, ruahdan danglam rak nei ve ringring, ruahdan tha le sawrbawk tlak ngaingai sisi lo.

6. Mi-ngerh-ngeng: tlaitluang lo, duhdan danglam nei ringring, duhdan vekin thil asi lo tikah thildang beisei ringring.
7. Mi kher-mei: Danglam zet lungput nei ringring, sawisak harsa mi.

8. Mi lungruh: Mai duhdan in a si lo poh ahcun midang duhdan thlun thei lo, mai duhdan ah a dik dik lo ti um loin tanhmun khuar feofeo mi.

9. Tawl-rel-har: sawisak har,

10. Zuunkhung: Lainatmi Siat tawng, thihhloh tikah lunglennaa, tuar harsa hleice.

11. Mi-luklak: Thupi hlapi fun lo, nun duhdah, nung ve satliah meimei.

12. Pa-laap: Tanbul nei lo, a nehnehlam ah tanhmun thleng dualdo.

13. Inti-vai-tingtang: Mah le mah ti thupi aw zettu.

14. Mi-zuva: Nunphung dan le dun nei lo, duhduh in nung, zoh mawi le upatnak nuncan ziaza nei lo.

15. Mi-tia-tailo:

16. Mi-ler: Tlangval/fala midangdang duh vivo hmang.

17. Mi-ti-uup-aw: Mah le mah, midang ih hmuhdan le ngaihdan hnakihsangah ruat aw ringring tu.

18. Mifim: Thupi hlapi, ah thungai thlak in thurawn tlak, thuthluk thiam, a thabik hril thiam, ziangvek tikcu can buainak lak khalah daiziar in thuthluknak tuah thiam.

19. Miropi: Upatnak tlak cawimawi tlak nun nei tu.

20. Mi-thucawngih-cawkawr: Midang tidan, tuahdan, nundan, rak cawng ve meimei, san nei loin midang thucawng vetu.

21. Pawng-rawng: Nun mawi lo, midang siatsuah poi ti lo nun.
22. Tia-tai-lo: cakvak lo
23. Tawn-tai: Cak lo.
24. Muu-mal-lo: Thathnemnak ngaingai nei lo, sungmuril rinsan tlak ngaingai lo.
25. Phun-ciar: Sawisel hmang, tongtam.
26. Phun-zai: Sawisel ringring, ase lam tong ding thei, le tong ringringtu.
27. Tai-ma: Zuam zetin hnatuantu.
28. Tai-rial: Zuam tento, a cang thei ding ahruat lo can khalah ziang tentotu.
29. Zaangtha: Micak
30. Hual-vantha: Thlawsuah co
31. Iang-nei: Mimawi, duhnung
32. Hrawngdang: Ei le in ah sup aw thei lo, tawk le mawi thei loin ei le in duhtu
33. Kut-nei: Rukruk hmang
34. Ke-tam: Vak tam
35. Phanzi-it: Thuphan khal thungai vekin nal zuahzo in a rel thei tu.

Comments

comments

Comments

%d bloggers like this: