Milai Men Ka Si

June 5
Tlawngkai Nihnih

Milai Men Ka Si

Bible Siar Ding: James 1:1-4

Tlaksamnak zianghman um loin a famkim le a pitlingmi nan si theinak dingah a net tiang a tuar theitu si dingah zuam uh.
– James 1:4

“Kei cu milai men ka si!” Hih a olsammi ttongfang hi kan tlaksamnak ruangih kan ttah aihramnak ah ziangtluk in so phuahlam ih kan hman ringring? Kannih cu milai menmen kan si ruangah mi zokhal in le Pathian khal in famkim thei ah in ruahsan lo.

Sihmansehla Bible ah, Pathian in Amah a famkim bangin famkim ve dingah in ruahsan zia a tarlang. Himi hin Pathian vek cekci kan si ding tinak si loin kannih cu Pathian sungih pitling vingvo ding le famkimnaklam ih tthanglian vingvo ding kan si zia in sim. Bawipa cun in ruahsan lawng si loin ziangti’n kan tuah ding timi tla in sim cih.

James in Kawhhran hmaisa sanlai ih Jewish zumtu pawl hnenih a cakuat ah, zumtu an si ruangih hremnak le tiduhdahnak an tuarmi hin an nunnak ah a tthami covo an ngah ding thu thazaang peknak in a thok. Hih harsatnak an tonmi cu an zumnak ziangtluk in a fek timi tahnak a si ih tuar theinak le rin-umnak nun a neihter.

Zumtu pawl in tuar theinak thazaang kan nei asile Pathian in cumi cu caan ttha ah hmang tahrat in thlarau nun ih kan tthanlen pitlin theinak ding hrangah a canter. Cuti’n a pitlingmi Christian, rinnak in Bawipa ah fekzet in a hngauhsantu zumtu pitling in siter dingih kannih cu sambaunak um loin a famkimmi ah kan cang vingvo ding a si.

Tuni ah zumtu nang le kei in thuthangtha ruangih zonzaih retheih kan tuarmi pawl khal hi cumi vekin rah ttha a rah ve lai ding a si. Kannih hi milai men kan si ko nain thlarau nun ah tthanglian pitling in Amah vekin kan famkim vingvo thei ve a si.

Bawipa Pathian, ka tlaksamnak zawn ah,
Nangmah zumnak in pitling nun ih famkim le tthanglian loin;
phuahlam ka hawl ttheunak pawl hi in ngaithiam hram aw.

“Kei cu milai men ka si” tiih phuahlam ka hawllai ah, Pathian in ziangti’n so thlarau nun ih ka tthanglen pitlin theinak dingah i hman sak?

@ Ava Pennington

(Visited 24 times, 1 visits today)

Comments

comments

Comments

%d bloggers like this: