Mikip In Hla An Sak

September 22

Tlawngkai Nihnih

 

Mikip In Hla An Sak

 

Siar:

Thuphuan 5:8-14

 

Cule vancung ah siseh, leitlun le leihnuai khal ah siseh, ti sungih a ummi khal in siseh, lei le van ih nunnak thaw a neimi hmuahhmuah in: “Bawi tokham ih a totu le Tuufa hnenah thangtthatnak le upatnak, sunlawinak le cahnak cu a kumkhua in um ko seh,” tiah hla an sak.    -Thuphuan 5:13

 

 

Kumkhat Sung Baibal:

–   Thusimtu 10-12

–   Kalati 1

 

Tthaal caan ih alak ih an hmuh ttheumi kan khua ih “Awnmawi Puai” pawl zoh khi nuam ka tizet. Awnmawi group pakhat  cun  hmel theihternak ih tawite ciar an ttongmi ah hi ti vekih hlasak le awnmawi tumtlang hi nuam an ti zia an sim.

           

Hi tivek ih awnmawi tum le hlasak tlangnak hin kumzabu tampi mipi pawl hmunkhat ah a hruai khawm zo. Khrih thluntu kan si vekin kannih khal mibur fate, hlarem bu, kan si hman ah Pathian thangtthatnak hla sak tlang hi kan zumnak phuanlangnak a si. Nikhat ni ah kannih khal thangtthatnak hlarem kan sak leh ding. 

           

Dungthluntu Johan ih larnak hmuhmi ah mi malte in thangtthatnak hla thar an sak ih siar cawk lo vancungmi pawl in an run bet. An hlasakmi cu a thiisen in mi phunkip le hrinhnamkip rundamnak a petu Pathian ih Tuufano thangtthatnak hla a si (Thup.5:9). Pathian tokham hmai ihsin sak an thok ih vancungmi a thawngthawng le leilung le tipi sungih um sersiammi hmuahhmuah an ra tel ve. “Bawi tokham ih a totu le Tuufano hnenah thangtthatnak le upatnak, sunlawinak le cahnak cu a kumkhua in um ko seh” tiah hla an sak (c. 13). Thangtthatnak hlasak cu caan hmang ttha  a si.

           

 Bawipa, thangtthat theinak thlarau in pe aw,

Na hmin kan thangtthat theinak dingah;

Lungawinak thinlung thawn thangtthat hla sak uh,

A thlengh aw dah lomi Pathian thangtthat uh.

 

Atu ih Khrih a theitu cun kumkhua in thangtthatnak hla a sak ding.

(Visited 26 times, 1 visits today)

Comments

comments

Comments

%d bloggers like this: