Mikhual Zoh Ttha

September 27

Tlawngkai Nikhat

Mikhual Zoh Ttha

Siar:

Rom 12:3-13

Phunzai lo tein nan inn ah pakhat le pakhat tlungter aw uh.  -1 Peter 4:9

Kumkhat Sung Baibal:

–   Isaiah 3-4

–   Galati 6

Thukam Thar sungah khual tthat cu Khristian nunzia hminsinnak tacik a si. Kawhhran hruaitu upa pawl ih nunzia sungah a telmi pakhat (1Tim. 3:2; Tit.1:8) a si hlei ah Jesuh thluntu hmuahhmuah in duhdawtnak langternak ah thlun ding in thu pekmi khal a si (Rom 12:13; 1Pet.4:9). Khual tthatnak timi ttongfang hi mikhual hrang ih inn sangka on hnak in a thuk deuh.

“Khual tthatnak (hospitality)” ti ih lehmi ttongfang hi a Greek ttong um daan ahcun “Mikhual duhdawt” tican a si. Paul in khual tthatnak thu a rel tikah, “A tlasammi Khristian unau pawl thawn nan neihmi thilri kha ttawm aw uh,” a ti (Rom 12:13). A ol lozetmi a si.

Cangan thiam Henri Nouwen cun kan nun sungih kan tonmi zovek milai – nunphung bang lo, ramdang mi, rualpi si lo, sungkhat unau si lo le a tawpkhawk ah Pathian zumlotu tiang a va si hmanah kan tongtham in kan zohkhen ding a ti. Henri in, “Curuangah khual tthatnak timi cu mikhual le misipi (stranger) hrangih hmun lawng (space) ret sak khi a si. Cutawkah mikhual an ra dingih raal si loin rualpi ah an ra cang ding. Khual tthat timi cu minung thlengh si loin minung thlengh aw thei dingin hmun pek a si,” a ti.

Innsang, phunsang tlawngta pawl umnak inn, raalkap pawl umnak inn, le thawnginn tivek ih kan um tik khalah midang parih duhdawtnak langternak ah le Jesuh Khrih hrangah mikhual kan tlunter thei. Khual tthat ti cu mitlasam pawl hrangah hmun pek khi a si.   – David McCasland

Mi tlasam pawl tongtham aw,

An parah duhdawtnak le zawnruahnak langter aw;

Pathian ih in hman theinak lamzin pakhat a si,

An beidonlai ah ruahsannak an hnenih rak ken a si. – Sper

Khual tthatnak in a kawlawngmi thinlung a khahter thei.

(Visited 16 times, 1 visits today)

Comments

comments

Comments

%d bloggers like this: