Middle East Mipi In Pope Ngai Sang Lo

Pope Benedict 16 nakcun West Asia Middle East ram pawl a tlawn nakah tui zingah Bethlehem a lutih, Bawizisu ih suah nak hmun Manger Square ih Biak Inn Church of Nativity kawtka ah a mah bulpak hlan awk nak nei in thla a cam.

Himi hnu ah Palestinian President  Mahmoud Abbas thawn kawm awk nak an neiih  Pope cun Middle East ramih rualrem nak leh daihnak a um a beisei thu a sim ih Palestinian pawlin mahte ram hran nei dingih Israel an nawr nak khal ah a thlawp thu a sim. Israel lehPalestinian buai nak ih mithi pawl leh harsat nak tuartu pawl a tuarpi thu khal a simbet.

Surbung Tlang Thuthang Siarbet

Pope hin Bawizisu ih suahnak hmun ciah ih an relmi Basilica of The Nativity hnuai ih lungpuk ah thlacam nak a nei ih himi hmunhi Greek Orthodox, Roman Cotholic leh Armenion Apostotic thu neitu pawl in an kil khawi tlangmi hmun a si. Pope hin tuitum Middle East ram a tlawn nak ah hin Hitler Youth an timi pawl ih a telthu kum 1997 ih a rak rel zomi thucu mi tampi in an rel suaksal ih Hitler leh a ho pawlin Juda mipi tamzet an rakthah ciamco thu ah  himi vek thuhla runrel suaksal hi sakhua hotu leh Pope dinhmun ih rel suaksal dingmi thu ah a tlaklo an ti.

Himi laiah Vatican thupuangtu Rev, Federico Lombardi cun Pope hi Hitler Youth an timi pawlah a tel dah hrimhrim lo tiah a sim. Tui hlan ihsin Pope hi mi tampi in an rak sawisel zet theu ih a tongkam suak leh a thusim mi pawlhi Pope dinhmun ih um tlak asilo titu tampi an um ih a mah thurawn petu pawlih thu rawn pekmi khal a la duhlo titu khal an um. Pope hi tui kandung laiih Africa ram a tlawn laiah Nunau mipi sual nak ruangih AIDS karhzai vivo khamnak ah Condom hman a tullo a timi thu ah leitlun ram tampi leh WHO tiang in nasa zetin an rak sawisel zo.

(Visited 59 times, 1 visits today)

Comments

comments

Comments

%d bloggers like this: