Midang Relsiat Lonak Hmun

Midang Relsiat Lonak Hmun

Siar:

Thufim 25:8-18

A dik loin mi sualpuhnak cu, Mi a that theimi talhtum, raalnam le conkiang vek a si.

– Thufim 25:18

Kumkhat Sung Baibal:

Ezekiel 31-33

–          Thufim 15:1-11

Zung hrekkhat ahcun midang relsiatu pawl cu an hnattuan in an dawi. Kum 2002 ih an zingzoinak ah hnattuantu pakhat in kumkhat ah nazi 65 sung midang a relsia. Chicago khuapi ih hnattuannak hmun pakhat cu, “Midang relsiat lonak hmun” si dingin an relcat aw. Cuih hmun ih hnattuantu pawl cu an hnattuanpi an relsiatmi an kai ngah asile an hnattuan in an dawi.

Miseenpi nomternak hnattuannak hmun pakhat ahcun relsiat awknak hi thlacamnak in an do. Mi hminthang pakhat harsatnak a ton tikah zoh men loin thlacam saknak in tha an peek.
Pathian ih Thukham pekmi sungah, “Na innhnen parah a dik lomi theihpitu nan si lo pei” (Suah. 20:16) a ti. Midang relsiatnak cun na innhnen duhdawt aw timi thupeek a do kalh. Midang resiatnak ttongkam cu Thufim in hitin a taarlang: “Mi that theimi talhtum, raalnam le conkiang vek a si” (Thufim 25:18) ti’n.
Midang relsiat hi kanmah cu thupi deuh si duhnak, mi ih duh tlak le ttha sawn si duhnak thinlung a si ih cumi do ding hi kan ttuanvo a si. Thlacamnak in duhdawtnak tuah na tum ahcun midang relsia hlah.

Bawipa, raalring loih ka ttongmi in ngaithiam aw,

Mah ttha sawn ding duh ah midang kan simsia;

Kan ttongsuak hlan ah ruat thiam ding in bawm aw,

Kan ttongkam in midang duhdawt ding in zirh aw.

Relsiatnak thu cu na simfiang thei dah lo ding

Comments

comments

Comments

%d bloggers like this: