Midang pawl

September 20

Nipi Ni

 

Midang pawl

 

Siar:

Hebru 11:32-40

 

Keimah ih dungthluntu nan si ruangah mi in an lo hmuhsuam, an lo hrem ih thuphan a phunphun an lo puh tikah mi thluasuak nan si. Nan lungawi in nan aipuang uh, ziangahtile nan hrangah tuar man tampi vancung ah ret a si. Nan hlan ih profet pawl khal cu bangtuk ih hrem an tuar zo. – Matthai 5:11-12

 

Kumkhat Sung Baibal:

   Thusimtu 4-6

   2Korin 12

 

Ka upat hnu cun, tthaal caan a thlen tinte zarh khat sung ka pu le pi hnenah kan leng ttheu. Sunhnu cu inn dunglam tualrawn ih hridai ihkhun ah zau in ka pu ih ca-uk ka siar ttheu. Ka siarmi pakhat Foxe ih nganmi Book of Martyrs timi a si. Kum note ka si ih ka hrangah siar a ol lo na’n zumnak ruangah thi ngamtu Khristian pawl ih thuhla in i hiipzet. Khrih an zumnak kha taansan le el ding an fial nain duh loin ttihnungza thihnak an tuar.

 

Hebrew 11 sungah Pathian hnenih zumnak tumpi a neitu pawl ih thuanthu kan hmu. “Midang pawl cu nunnak ttha sawn ih thawhter saal ding an duh ruangah luatnak hril loin hremnak sungih thih an hril sawn (cc.35-16), an hrangah leilung tlun hi umnak ttha a si lem lo,” (c.38). Zumnak hrangah an thi.

 

Tuni ah, leitlun hmuntin ah Khristian tampi cu cuvek hniksaknak le hremnak an tong ti kan thei. Asinan zumtu mi tampi cu cuvek ih hniksaknak le hremnak cun kan tuar lo. Khrih ka zumnak ruangah hremnak le thihnak tiang tuar ding ti bang sehla ziangti’n ka let ding ti’n ka zumnak ka cek aw ih ka mang a bang ttheu. Paul ih thinlungput vek nei ding ka ruahsan, “Thawngtlak le harsatnak lawngin in hngak hmansehla, (Tirh. 20:23) hmailam a cuan ih a ttuanvo ttheh dingin nunnak ih tlan zuamnak cu lungawi teih hlenh suah ding a duh (c.24). Kannih teh kan nunnak hi cumi vek rin ngamnak thinlungput thawn kan hmason ve maw?

           

Thinharnak in in khuh, kan lamzin ah,

Thudik le thuhman lamzin a si;

Kan theih tikah kan lung a awi,

Pathian mit-hmuh ah kan lung a awi.

 

Hremnak lakah lungawi thei ding daan cu

Jesuh sungih lungawinak hawl hi a si.

(Visited 18 times, 1 visits today)

Comments

comments

Comments

%d bloggers like this: