Michael Jackson ih Ro

Hlasak leh Lam thiam Michael Jackson ih ro pawlcu Family Trust ah retlut dingin Court cun  thu tluknak a tuah. Michael Jackson ih ro thilri pawlhi  dollar Million 500 man hrawngih ruah a siih, Family Trust ah hin a nu Katherine leh  a fate 3 an tel dingih bawmnak hnatuantu Group pakhat an hmin tar langlo mi pawl hnen khalah Paisa ziangmaw zat pek an si ding.

Michael Jackson hin a ro thuhla ah hin kum 2002 July ni 7 ah khan ca ngan mithawn a rakret fel zo ih, Himi ah hin a Nupi hlun  Deborah Rowe Jackson  cu a ro cotu dingih a rak ngan tello ruangah a fate pahnih Michael Josept Jackson Jr leh   Paris Michael Katherine Jackson  hringtu nu cun zianghman ro comi a nei thei velo ding a si.

Himi laiah Michael Jackson hngilh lo nak khawmawk nakcu kan hmai tlawngkai nihnih ah khin  Los Angeles ih  Staples Center ah an tuah dingih, himi khawmnak ih tel duhtu hrangah ticket 11,000 cu a lak in zem an tum. Michael Jackson ih nupi hlun Deborah Rowe ih Lowyer cun  Michael Jackson ih fale kilkhawi tu tuanvo latu ding thu ah a nupi hlun hi a ngaituah aw rero lai a si a ti. Deborah Rowe leh Michael Jackson hi kumthum sung 1996 ihsin 1999 tiang an rak nei aw ih, Michael Jackson a thih hnu ah a fale pawlhi zo in an kilkhawi ding ticu Court in a relfiang hrihlo.

(Visited 150 times, 1 visits today)

Comments

comments

Comments

%d bloggers like this: