Mi Zawnruatnak Thinlung

March 19

Tlawngkai Nili

 Mi Zawnruatnak Thinlung

 Siar: Filipi 2:1-11

Pakhat le pakhat tangdor awktonnak thinlung nei uhla, nanmah duhnak lawng si loin midang in an hrangah a thupibik ih an ruahmi kha a hmuh zia thiam ve uh.          – Filipi 2:3-4

Kumkhat Sung Baibal:   Joshua 1-3   Marka 16

Jason Ray cu Chapel Hill ih University of North Carolina ah mi hmuahhmuah lungawitertu a si. Tlawng ih Piahzat ah kum 3 sung Ramses lem a cang ttheu ih a hmanmi meecang tumpi lu zuk a cai ciamco ttheu. Tlawng ih an tuah hnu ah nauhak siizung khal ah an hmuh ttheu. March 2007 ah basket ball lek dingin a rualpi pawl thawn an fehlai ah Jason cu mawttaw in a ttaih ih siizung ah a thi.

Asinan a thuanthu cu a cem hrih lo. A thih hlan kum 2 ah Jason in a taksa tthen pawl le tit pawl cu a thih tikah midang hman dingah hlunak ca a nganta ih cuih midang hrang peknak cun minung 4 ih nunnak a ruun ih mi tampi a bawm. Mino kum 21 mi in a san tthatlai ah midang tthatnak hrang zawn a ruat ih a ruah vekin a tuah. Bomnak ngahtu pawl ih sungkhat pawl cu a parah an lungawizet.                     

Jason ih tuahnak in Paul ih Filipi 2 sungih zumtu pawl hnenah, mai’ duhnak lawng si loin midang in an hrangah a thupibik ih an ruahmi kha a hmuh zia thiam dingin a simmi kha a fiangter. Midang hnen a hoimi thinlung cu a harhdammi thinlung a si.

                                                                          Nangmah le nangmah netabik ah duh awk aw,

Na kiangkap zoh awla,  na ttuanvo thei aw;

Nunnak lamzin ah na kiang ih a fehtu pawl,

Thil ttha malte tuahnak in an lungawiter aw,

An leitlun thilrit phurh khal bawm aw.

 

Midang ttulnak bom cu Khrih upat a si.

Comments

comments

Comments

%d bloggers like this: