Mi Thutthen Hlah

February 1

Tlawngkai Ninga

 

Mi Thutthen Hlah

 

Bible Siar Ding: Matthai 7:1-6

 

Mi thutthen hlah, cuticun thutthen na si ve lo ding.

–         Matthai 7:1 (KJV)

 

“Mi thutthen (judge) hlah, cuticun thutthen na si ve lo ding” timi hi Khristian si lo (non-Chrisitian) pawl ih laak tambikmi Bible bung-cang a si men ding. Jesuh ih tiduhsan hi, sualtuah nunzia kha O.K ti men in – thutthen dah loin umsan men ding tinak a si pei maw?

Ziangtik hmanih thutthen lo ding a ti duhsan cu si lo ding, ziangahtile Jesuh in dungthluntu pawl ralrin a peknak ah, “A thianghlimmi thil kha uico va pe hlah uh,” a timi a um (Matt. 7:6). Thutthennak tuah tikah zo hi uico a si, a si lo timi theih fiang taa a ttul ding. Jesuh ih simmi cu Pathian ih tahfung hman ding, kanmai’ tahfuh hmang lo ding (c.2), ih kanmah le kanmah thutthen aw hmaisa taa ding tinak a si (cc.3-5).

Jesuh in dungthluntu pawl cu mititer aw Farasi pawl vekin mi thutthentu si lo dingin ralrinnak a pe zo. Mi soisel ai ah thlaraulam ah ka farah, sualnak ah riahsia, thinneem, Pathian duhnak tuah hiarhal, mi zaangfah thiam, thinlung thianghlim nei, le remdaihnak tuahtu siter in duh. Pathian lawng milai thinlung thei theitu a si ruangah zohman thu va tthen ding kan si lo, duhdawtnak thawn Pathian hnenih hruaitu ding kan si sawn.

Khristian pakhat ih thutthennak cu mawhphurhnak (condemnation) si loin tundin saalnak (restoration) sawn a si ringring ding.

 

Vancung ih um ka Pa, ka mit-hnawm coih taa hmaisa loin midang mit-hnawm ka hmuh sak ttheumi hi in ngaithiam hram aw.

 

Pathian tahfuh hmangih thutthentu ka si maw? Ka nunnak sungah khuimi zawn hi Bawipa in cek aw dingah le mahte thutthen aw dingah in duhsak?

 

@Ava Pennington

(Visited 65 times, 1 visits today)

Comments

comments

Comments

%d bloggers like this: