Mi Thu Va Tthen Hlah!

July 16

Tlawngkai Ninga 

Mi Thu Va Tthen Hlah! 

Siar:

1 Korin 4:1-5 

“Mi va soi hlah; cuticun Pathian in a lo soi ve lo ding. – Matthai 7:1 

Kumkhat Sung Baibal:

–   Saam 16-17

–   Tirhthlah 20:1-16 

Jesuh in, “Mi thu va tthen hlah!” tiah thu a pek tikah zianghman ruat cuca lo hmukhmak le raalring lo ih um ding a ti duhnak a si lo. Hih leitlun cu sualnak le dik lonak tampi ton theinak hmun a si ruangah, ‘ziangruangah cuti’n a si thei?’ timi napi ih ruah a ttul. A sim duhmi cu mi kan hnong lo pei ih sual kan puh lo pei tinak a si. Paul in, “A tikcu a kim hlanah zohman an thu tthen hlah uh, a netnak thutthennak cu Bawipa a rat tikah a si ding. Amah in khawthim sungih thuhmi thil pawl kha tleunak sungah a suahpi ding ih minung thinlung ih tumtahmi pawl kha a phuanglang ttheh ding”(1Kor.4:5) a ti.

Biazai ngantu Robert Burns khal in, “An hnattuannak ah rinhlelh ding a ummi cu an lungput ziang a si ti theih a harzet,” a ti. Ziangruangah cuti’n thil a um? An duhsannak zohman ih theih a si lo. Pathian lawngin an thinlung sungih thuhmi cu a phorhsuak thei.           

Jesuh in midang ih hmuh thei lo an thiltuah duhnak huham a simi: zaangfahnak nei lo, ttihphannak, thinnaunak, thinlung kekkuainak le an sualnak cu a thei. Cuhlei ah thinlungtak ih a pantu zate pitling nun nei dingin a hruai hngai. Curuangah a netnak ahcun kan ruah vek si loin anet tiang in hruaitu Amah thangtthattu in siter. Bawipa lawngin kan thinlung a hniksak thei. A ra thlen saal tiang kan thinlung zohfel aw dingin A hnenah bomnak dil uhsi!    –David Roper 

Zohman hnong hlah, an thu va tthen hlah,

Na unau sual na zingzoi ding maw;

Na ttuan ding cu pakhat, pakhat te lawng –

Nangmah ih mawhnak hawl in neh tum sawn aw.  –Elliott 

Mi dang thutthen dingah na khulfung awla,

Nangmai’ sualnak hmu dingah zamrang aw.

 

 

Comments

comments

Comments

%d bloggers like this: