Mi thi 133,000 an si tiin Kawlram in puang

17| May : YANGON (AFP) –Thlisia ruangih mithi le mi hlo May 16 tiangah 133,000 tluk an si tiin Kawlram cun a puang. Thlipi ih a nuai laiih mithi apuan zat ih a let rori a si.

Hi thupuan cu Kawlram miuk ih ramdang bawmnak pek a sianthu a simnak ih a puan mi a si, an bawmnak cu a pawmsak konan ramdang mithiam sang aram sungih luh tahrat in le miharsa anmai hnen rori ih bawmnak pekding cu asian sak hrih cuang lo.

Ramsung TV ih a ngannak ah cun mithi 77,738 dead le mi hlo 55,917 tluk an si ding a ti. Hi an puanzat cu leitlun pumhuap ih anhminsin zat kiangkap vu a sive.

Thuthang cazual ih a ngan dan ah cun acozah in felfai tei’ hminsinnak tak tak a neih theilo nak cu a thlisia ih a siatsuahnak hmunpawl a darh tuk ruangah le ruah a sur ruangah a si tiin a ngan thu thuthang cun a puang.

Hliamtuar mi 19359 an um thu khal a ngantel. Acozah hnatuan mi 159 an thi ih 58 tluk cu an umnak theih a si lo ih mi pali in hliam an tuar tiin a ti, Adang cu felfai leh kimcang in a rel tel lo.

Louis Michel, European Union’s humanitarian aid commissioner, cun kawlram sungih nihnih sung a khualtlawn a theh a sinan Irrawady Delta, cu a va zoh thei cuang lo. Acozah in miharsa bawm a tumtu pawl khal nasa zet ih a siatsuahnak hmun ah cun zohman feh a sianglo. Asinan Louis ih a sim danah cun Doctors thiam 100 lenglo May 17 ih an luh dingthu a sim.

“Caan hi nunnak a si,” tiin a khualtlawng tlung lamah Bangkok ah a simbet. Asim vivo nakah cun May 2-3 ih thlisia ruangah, Kawlramah paam tianghman in a thlen a zum um tiin a ti.

Ramdang palai pakhat cun Acozah in a besiat nak hmunah feh May 17 niah insiang ding a mah lawngte ziangtin kan um vivo ding ti cu kan thei lo ih kan duhmi khal kan tuah tak tak thei a zum um cuanglo tiin a sim ve.

UN thusuah ih a reldan ah cun bawmnak hrangih meeting Bangkok ih neih a si a zum um thu le a ni khal May 24 ni asi an zum thu an puang.

++++++++++++++++++++++++++++++++++++++++++++++++

(Visited 40 times, 1 visits today)

Comments

comments

Comments

%d bloggers like this: